ائی پی ایل 2023: چنئی سپر کنگز ءَ جی ٹی ءِ دیم ءَ گوازی کٹ اِتگ ءُ وت ءَ پائنل ءَ سر کتگ

انڈین پریمئیر لیگ ءِ پلے آف ءِ اولی گوازی گجرات ٹائٹنز ءُ چنی سپر کنگز ءِ میان ءَ کنگ بوتگ کہ چنئی ءَ گجرات پانزدہ رناں پروش داتگ ءَآئی پی ایل ءِ فائنل ءَ سربوتگ – پروش ورگ ءَ پد گجرات ءَ پائنل ءَ سر بوگ ءَ یک موہ ءِ رسیت کہ گجرات لکھنو سپر جائنٹس ءُ ممبئی انڈینز ءِ ایلیمینیٹر گوازی ءِ کٹوکیں ٹیم ءَ دیم ءَ سوبمند بہ بیت –

گجرات ءُ چنئی سپر کنگز ءِ میان ءَ بوتگیں بوتگیں گوازی ءَ چنئی ءَ اولسر ءَ بیٹنگ کنان ءَ یکسد ءُ ھپتاد ءُ سَے رنانی ٹارگٹ داتگ کہ ٹارگٹ ءِ پروشگ ءَ پہ گجرات ءِ نیمگ ءَ شبھمن گل ءَ درساں گیش چِل ءُ دو رن جوڈ کتگ – راشد خان ءَ شانزدہ بالاں سِی رن جوڈ کتگ وھدیکہ داسن ءَ ھبدہ ءُ وجے شنکر ءَ چاردہ رن جوڈ کتگ ءَ آوٹ بوتگ انت – اوپنر ءَ اتکگیں بیٹس مین ردھیمان ءَ دوازدہ رن جوڈ کتگ ءُ واتر بوتگ – گجرات ءَ بیست ءُ اووراں بس یکسد ءُ پنجاہ ءُ ھپت رن جوڈ کتگ کتگ – سی ایس کے ءِ نیمگ ءَ دیپک چاہر، مہیش ءُ رویندر ءَ دو دو وکٹ گپتگ ءُ دو وکٹ متھیسا ءُ یک وکٹ ءِ تشار دیش ءِ بھر ءَ ھم کپتگ –

اولسر ءَ بیٹنگ کنان ءَ اوپنر ءَ اتکگیں ریتو راج شست رنانی گوازی کتگ بلے گجرات ءَ چنئی سپر کنگز ھپت وکٹانی تاوان ءَ یکسد ءُ ھپتاد دو ءَ دیم رؤگ ءَ نہ اشتگ – ریتوراج ءَ چل ءُ چار بالاں ھپت چوکا ءُ یک چکائے جتگ – آئی ءَ ڈیون ءِ ھمراھی ءَ شست ءُ چار بالاں ھشتاد ءُ ھپت رن ھواری ءَ جوڈ کتگ – اجنکیا دھ بالاں ھبدہ، امباتی ءَ نھ بالاں ھبدہ رن جوڈ کتگ – وھدیکہ رویندر ءَ شانزدہ بالاں بیست ءُ دو رن جوڈ کتگ –

گجرات ءِ نیمگ ءَ محمد سمیع ءُ موہت شرما ءَ دو دو وھدیکہ درشن، راشد خان ءُ نور احمد ءَ یک یک وکٹ ءِ گپتگ –