روکپتی بلوچستان ءُ اُستان گلستان ءَ سَے کس بیگواہ

سر بیتگیں ھالانی رد ءَ روکپتی بلوچستان ءِ تیابدپی ھند چھبار ءَ دو مردم ءُ روکپتی بلوچستان ءَ ھواریں اُستان گلستان ءَ یک مردمے بیگواہ کنگ بیتگ اَنت-

گیشیں ھالانی رد ءَ چہ چھبار ءَ ایرانی چیرین ادارہ اطلاعات ءَ عبدالحمید ء عبدالکرین جھنند بید ءُ خالد ء مسعود ءِ ناماں زانگ بیتگ اَنت-

اھولانی رد ءَ عبدالحمید ءُ خالد ھردوک ما مسیت ءِ تہ ءَ دزگیر کنگ ءُ برگ بیتگ اَنت-

ھمے وڑ ءَ چہ اُستان گلستان ءَ ایرانی لشکر ءَ یک ورنایے آوار جتگ ءُ برتگ-

آوار جنگ بیتگیں ورناہ ءِ پجار روح اللہ جھمنند رضا آباد بخش فندرسک استان گلستان ءِ نام ءَ زانگ بیتگ –

روکپتی بلوچستان ءَ مردمانی بیگواھی ءَ رند اود ءَ بیگواھیں مردمانی دل ءُ لاپاں یک مزنیں ترسے کپ ایت کہ آ ایش اِنت آیانی ترس ءِ گمان اِنت آیانی مردماں ابید میار ءَ پاھو ءُ دگہ بھتاماں ماں آیاں چہ سند اش –