آئی پی ایل 2023: ممبئی ءِ ٹیم ءَ آر سی بی ءِ دیم ءَ ڈبل سنچری کتگ ءُ گوازی کٹ اِتگ

انڈین پریمئر لیگ ءِ شانزدھمی سیزن ءِ پنجاہ ءُ چارمی گوازی ءَ ممبئی انڈین ءَ رائل چیلنجرز بنگلور ءِ دیم ءَ دو سد رنانی ٹارگٹ پروشتگ ءُ پوئنٹس ٹیبل ءِ تہ ءَ وت ءَ سیمی نمبر ءَ سر کُتگ – آر سی بی شش وکٹانی تاوان ءَ یکسد ءُ نود ءُ نُھ رن جوڈ کتگ بوتگ کہ ممبئی ٹیم ءَ ڈبل سنچری کُتگ ءُ گوازی وتی نام ءَ کتگ –

اولسر ءَ بیٹنگ کنان ءَ آر سی بی ءِ بندات جوان نہ بوتگ اولسر ءَ وراٹ کوہلی ءُ پدا انوج راوت جیسن ءَ ھما زوتاں آؤٹ کتگ انت کہ پدا گلین اتکگ گلین ءَ لھتے جوانیں شاٹ جتگ ءُ بیست ءُ پنچ بالاں نیم سنچری کتگ ءُ ڈو پلیسس ءَ ھم جوانی ءَ گوازی کنان ءَ سِی بالاں نیم سنچری کتگ پدا گڈسر ءَ دنیش کارتک ءُ کیدار ءَ شش وکٹانی تاوان ءَ اسکور یکسد ءُ نود ءُ نھ ءَ سر کتگ –

پہ ٹارگٹ پروشگ ءَ اوپننگ ءَ ایشان اتکگ اے ورنا ءَ بس بیست ءُ یک بالاں چار چکا ءُ چار چوکا جتگ ءُ چل ءُ دو رن جوڈ کتگ – ونندو ءَ ایشان ءِ آؤٹ کنگ ءَ پد ھما دمان ءَ کپٹن روہت شرما ھم آؤٹ کتگ گوازی ءِ وتی نیمگ ءَ آرگ ءِ جھد کتگ – بلے پدا رند ءَ نہال وڈھیرا ءَ لھتے شاٹ جتگ ءُ پدا سوریہ ءَ بس بیست ءُ شش بالاں نیم سنچری کتگ – ھمدا چہ گوازی پدا ممبئی نیمگ بوتگ ءُ ممبئی ءِ ٹیم ءَ آر سی بی ءِ دو سد رنانی ٹارگٹ پروشتگ ءُ گوازی وتی نام ءَ کتگ –