سر بیتگیں ھالانی رد ءَ روکپتی بلوچستان ءَ ناشناسیں مردماں تیرگواری کنان ءَ یک مردمے کُشتگ-
گیشین ھالانی رد ءَ روکپتی بلوچستان ءِ دمگ پنوج ءِ ھند گواش ءَ ناشناسیں سلاہ بندیں مردماں تیرگواری کتگ ءُ یک مردمے کُشتگ-
کُشگ بیتگین مردم ءِ پجار پیرداد سردارزئی ء ساھبداد جھمنند گواش ءِ نام ءَ زانگ بیتگ-
تیرگواری ءِ وئیل ءِ درگت ءَ دگہ گیشیں اھوال دیم ءَ نیتکگ اَنت-
زانگ بہ بیت گوستگیں سال ءَ داں انیگ ءَ روکپتی بلوچستان ءَ دو سد ءُ چل ءُ سَے مردم ھمے داب ءَ ناشناسیں مردماں تیرباران کتگ ءُ کُشتگ اَنت-