اوگانستان: “سھریں سُھر ” ءِ نام ءَ زانگ بیوکیں زعفران زربار رودراتکی ڈیھاں سر کنگ ءِ جھد

اوگانستان دنیا ءِ گرانھادترین مصالہ زعفران ءَ روکپتی زرباری ڈیھاں سر کنگ ءِ شوربندی ءَ اِنت-

زعفران ءَ سُھریں سُھر گوش اَنت ءُ ائی ءَ رودراتکی زرباری ڈیھاں برنج، زری وردن، گوشت ءُ بازیں شرکنیں چیزاں ھوار گیج اَنت ءُ رنگ ءُ وش تام کنگ ءِ واستا کارمرد کنگ بیت اِنت-

عرب نیوز ءِ رد ءَ گوستگیں دو دھکاں اوگانستان ءِ زعفران ءِ تام ءُ وشبو گمان ءَ گیش دنیا ءِ جوانتریں زعفران نامینگ بیتگ-

اوگان زعفران ءِ نھاد یک ھزار ڈالر ءَ یکس سیرے، ءُ اے ایران ءُ اسپین ءَ دراتکگیں زعفرانان چہ کم اِنت –

اوگانستان ءِ کشت ءُ کشاری ءِ وزیر ءِ جارکش عبدالسلام ءَ گوشتگ کہ کوالٹی جوان بوگ ءِ سبب ءَ بازیں ڈیھ اوگانستان ءِ زعفران ءَ لوٹگ ءَ اَنت ایشانی توک ءَ درستاں گیش عرط ءُ روکپتی ڈیھاں تلب کنگ ءَ اَنت-

وزارت ءِ ڈیٹا ءِ رد ءَ گوستگیں سال ءَ اوگانستان ءُ پنجاہ ءُ یک ھزار سیر زعفران بھا بیتگ اَنت ءُ ایشانی توک ءَ گیشتر انڈیا ءَ شتگ اَنت دمگ ءَ ڈن سعودی عرب ءُ یو اے ای ءَ ھم روان داتگ اَنت – اوگانستان ءِ وزارت ءَ گوشت کہ دھکانکارانی سر ءَ اُمیت اِنت آ وتی کشاراں گیش کن اَنت-

جارکش ءَ گوشتگ کہ مارا امیت اِنر ھمے سال ءَ ھرات، نمروز ءُ بدغیز ءَ ایشی ءِ کشت ءُ کشار گیش بیت اِنت ءُ مارا اے ھال ھم سر بیتگ گھور ےُ ھلمند ءَ زعفران ءِ پیداور ءِ توک ءَ ھم گیشی اتکگ –

کابل ءِ شاھانہ اوگان زعفران ءِ ڈائرءکٹر ھاجی ھمت ءَ گوشت کہ سعودی عرب ءُ یو اے ای ءَ زعفران ءِ کارمرد گیش بوتگ ءُ مارا یکین اِنت اے ڈیھاں آیوکیں وھداں گیش زعفران ءِ تلب بیت اِنت-

اوگانستان ءَ جوانیں زعفران ءِ ودی بوگ ءَ ابید طالبان ءِ واک ءَ پد روکپتی ڈیھانی نیمگ ءَ جنگ بیتگیں بندش ءِ سبب ءَ زعفران خلیجی ڈیھاں ایکسپورٹ بوت کنت-

ھاجی ھمت ءَ گوشتگ کپ خلیجی ڈیھاں بازیں زرکار ھست اَنت وتی ڈیھاں اوگانستان زعفران ءَ نھاد جاھاں جوڑ کنگ ءِ واھک ءَ دار اَنت اوگان گوست ءِ بندشانی سبب ءُ زعفران ءِ باپار ءَ اسرمند بیتگ ءُ اوگانستان دگہ ڈیھاں گیش زعفران ودی کت کنت-