واشک: راگے بلوچ آباد ءَ پاکستانی آرمی چوکی سر ءَ بیتگیں اُرش زمہ واری ءَ منّ ایں- بی ایل ایف

بی ایل ایف ءَ شنگ کتگیں درشان ءِ تہ ءَ واشک ءَ پاکستانی پوج ءِ سر ءَ بیتگیں اُرش زمہ واری منّ اِتگ-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گوشتگ کہ مئے سرمچاراں واشک ءِ دمگ راگے ءِ ھند بلوچ آباد ءَ برجاھیں پاکستانی پوج ءِ چوکی ءِ سر ءَ 25 مارچ ءِ بیگاہ ءِ ساھت ھپت ءُ سی ملٹ ءَ اسنائپر، راکٹ ءُ وتکار مزنیں سلاھاں چہ نشانگ کتگ- سرمچاراں یک پوجی یے گوں اسنائپر ءَ نشانگ کتگ کُشتگ ءُ پد ءَ زوتاں راکٹ ءُ مزنیں سلاھاں چہ چوکی سر ءَ اُرش کتگ- اے اُرش ءَ دُژمنیں پاکستانی پوج ءَ مزنیں کجے ءَ جانی ءُ مالی تاوان چست کنگ کپتگ-

بلوچستان لبریشن فرنٹ اے اُرش زمہ واری ءَ منّ اِیت ءُ زورگریں پوج سر ءَ اُرش زورگپتگیں بلوچستان ءِ وتواجھی ءَ تاں برجاہ بنت-