بلوچستان ءِ دمگ ھرنائی ءَ بیوکیں بمب تراک ءَ پوج ءِ واستا آپ بروکیں ٹنکر نشانگ کنگ بیتگ-
ھزارہ ڈیم ءِ ھند ءَ پاکستانی پوج ءِ پوسٹ ءِ واستا آپ بروکیں ٹنکر کل کتگیں آئی ای ڈی ءِ زد ءَ اتکگ ءُ چریشی ءَ ٹنکر تباہ بیتگ ءُ ھمے وڑ جانی تاوانانی ھم گمان کنگ بوگ ءَ اِنت-
تراک ءَ پد پوج ءَ دمگ انگیر کرتگ ءُ پٹ ءُ پول بندات بیتگ بلے تنی وھدی واکدارانی نیمگ ءَ جانی تاوانانی ھال دیم ءَ نیتکگ اَنت-
زانگ بہ بیت بلوچ سلاہ بندیں گلانی نیمگ ءَ پاکستانی پوج ءُ آئی ءِ کارشناسانی سر ءَ یکشلیں اُرش گندگ ءَ اتکگ بلے مروچی بیتگیں اے بمب تراک ءِ درگت ءَ تنی وھدی ھچ گل ءَ وتی درشان دیم ءَ نیاؤرتگ اَنت-