ایرانشھر: ایرانی لشکر ءِ دست ءَ آوار جنگ بیتگیں بلوچ جنک کبری ھوتی ھشت روچ ءِ گوزگ ءَ پد ھم آجو نہ بیتگ

روکپتی بلوچستان ءَ ایرانی لشکر ءِ دست ءَ اوار جنگ بیتگیں بیست ءُ دو سالی ئیں بلوچ جنک کبری ھوتی آمیدگس ءِ پرمان ءَ زمانت ءِ بوگ ءَ ابید داں انگت ءَ آجو نہ بیتگ-

کبری ھوتی ھمے ماہ ءِ ھشت فروری دوھزار ءُ بیست ءُ سَے ءَ روکپتی بلوچستان ءِ دمگ ایرانشھر ءَ وتی سیادانی گس ءَ ایرانی چیریں ادارھانی کارندھاں یک بیڑے ءِ وھد ءَ دزگیر کتگ ات-

چرے دزگیری ءَ پد آ دو روچانی توک ءَ روکپتی بلوچستان ءِ بنجاھی شھر زاھدان ءَ برگ بیتگ ات ءُ اود ءَ آئی ءِ کھول ءِ گون ءَ دو رند ءَ رھوتی ءَ گوں گپ ءُ تران ءَ سوبمندی بیتگ-

کبری ھوتی روکپتی بلوچستان ءِ دمگ کسر کند ءِ ھند ھمیری میتگ ءِ جھمنند اِنت آ یونیورتسٹی آف انڈسٹریل اینڈ مائننگ ءِ گریجویشنے کتگ ءُ یک گھبودی گلے ءِ باسکے –

کبری ھوتی ءِ سر ءَ ایرانی لشکر ءَ بھتام جنان ءَ گوشتگ کہ آئی ءُ سائبر اسپیسانی پرکاری ءُ مھلوک ءِ دل ءُ لاپاں ڈیھ ءِ ھلاپ ءَ برانزی ءِ چست ءُ ایراں دزمانجنی کتگ-

سیستان ءُ بلوچستان ءِ آمیدگسی پرمان ءَ آ گوستگیں روچ ءَ یل دیگی بیتگ بلے آ داں انگت ءَ بندیگ جاہ ءَ بندیگ اِنت-