بلوچستان اکیڈمی تربت ءِ نیمگ ءَ برجاھیں سَے روچی اتا شاد مراگاہ سوبمندی ءَ گوں آسر

بلوچستان اکیڈمی تربت ءِ نیمگ ءَ برجاھیں سَے روچی اتاء شاد مراگاہ سوبمندی ءَ گوں آسر ، مراگاہ ءَ سِی ءُ پنچ لک ءِ کتاب بھا بوتگ انت، مراگاہ ءِ گڈی مراگش ءَ سدانی کچ ءَ مردین ءُ جنیناں بھر زرتگ – گڈی مراگش ءِ گچینی مھمان جانسلامتی ءِ سوبائی مشیر لالا رشید دشتی ءُ کیچ ءِ ڈپٹی کمشنر میجر ریٹائر بشیر احمد بڑیچ بوتگ انت وھدیکہ گڈی مراگش ءِ بلوچستان اکیڈمی تربت ءِ سرکماش پروفیسر ڈاکٹر غفور شاد ءَ کتگ – مراگش ءَ بلوچستان ءَ ھوار پاکستان ءِ دگہ ھند ءُ دمگاں اتکگیں شائر ءُ زانتکاراں بھر زرتگ –

چہ اکیڈمی ءِ نیمگ ءَ گڈی مراگش ءَ مھمان یاتگاری شیلڈ دیگ بوتگ انت – بلوچستان اکیڈمی تربت ءِ چیردستی ءَ سَے روچی اتا شاد مراگاہ سیمی روچ ءَ شئر ءُ شائری ءَ آسر کنگ بوتگ – ھمے گوشگ بوگ ءَ انت کہ سَے روچاں سِی ءُ پنچ لک ءِ کتاب بھا بوتگ انت – مراگاہ ءِ گڈی روچ شاتکامی ءَ گوں آسر بوتگ – مراگاہ ءِ واکداراں مردمانی بھر زورگ ءِ منت گپتگ –

گڈی مراگش ءَ بلوچستان ءِ گوستگیں سروزیر ڈاکٹر مالک بلوچ، جانسلامتی ءِ صوبائی مشیر لالہ رشید دشتی، پروفیسر غنی پرواز، ڈاکٹر شاہ محمد مری، اے ڈی سی کیچ تابش بلوچ، حمل شاد، غنی پہوال، بدل خان بلوچ، یوسف گچکی، ممتاز یوسف، عبید شاد، ڈاکٹر فضل خالق، واجہ عبداللہ، مقبول انور، ڈاکٹر عطا اللہ قحطانی، میونسپل کارپوریشن تربت چیف اپسر کہدہ عبدالستار دشتی، نوک گچین بوتگیں میئر میونسپل کارپوریشن تربت ءِ بلخ شیر قاضی، پروفیسر ڈاکٹر حنیف الرحمن، ڈائریکٹر انفارمیشن تربت یونیورسٹی ءِ اعجاز احمد، جسٹس ریٹائرڈ شکیل احمد، پروفیسر اکبر، مشکور انور، ڈاکٹر اسلم آزار، پروفیسر عقیل احمد، پروفیسر طارق رحیم، قدیر لقمان، اسلم قادر، عمر عثمان، احمد عمر، مقبول ناصر، عابد علیم، اصغر محرم، برکت بلیدی، شگراللہ یوسف، ڈاکٹر نور، خلیل تگرانی، ڈاکٹر سجاد دشتی، ڈاکٹر مختار بلوچ، حاجی شوکت دشتی، منور علی رٹہ، چیرمین حلیم بلوچ، ملا برکت، قاسم گاجیزئی، ظہور احمد، ناصر خان، قاضی نور احمد، حفیظ حوت، حاجی رستم بزنجو، پروفیسر علی گوھر، اسلم قادر،گنگزار بلوچ دگہ مردماں بھر زرتگ –

گڈی روچ ءِ مراگش ءَ پینل ڈسکشن ءَ نوکیں دور ءِ لوٹ، بلوچستان ءِ وانگ ءُ زانگ ءُ جاورھال ءِ برکت اسماعیل، عتیق الرحمن، مھناز اسلم ءَ تران کتگ ءُ مھمان دار عابد حسین بوتگ دومی پینل ڈسکشن ءِ بنگپ زبان ءُ سیاست ءُ ٹیکنالوجی بوتگ کہ آئی ءِ سر ءَ ڈاکٹر مالک بلوچ، واحد بخش بزدار ءُ اللہ بشک بزدار تران کتگ ءُ مہماندار ڈاکٹر غفور شاد بوتگ سیمی پینل ڈسکشن ءَ عبید شاد، جنید قادر، مختار بلوچ ءُ بالاچ بالی ھم بھر زرتگ –

گڈی مراگش ءَ بازیں کرارے منگ بوتگ کہ آھانی تہ ءَ بلوچستان اکیڈمی تربت ءِ ھمک سالی گرانٹ پنچ لک ءَ گیش کنگ ءُ کروڈ ءِ کنگ بوتگ بلوچستان اکیڈمی تربت ءِ ھاتر ءَ آسراتی دیگ ءِ ھمراھی ءَ ملٹی میڈیا ھال ءِ جوڈ کنگ، بلوچی زبان ءَ پرائمری ءَ وانینگ ءِ ھمراھی ءَ سبجکٹانی اسپشلسٹ کنگ بہ بنت – گوادر یونیورسٹی ءَ بلوچی ڈیپارٹمنٹ ءِ پچ کنگ بہ بیت –

آھانی تہ ءَ اے ھم مان بوتگ انت کہ کیچ ءِ کتاب جاہ زوت پچ کنگ بہ بیت تعلیمی چار راہ ءَ بگر تاں لوہ ءِ چار راہ ءِ دگ ءِ نام اتاء شاد ایر کنگ بہ بیت، کیچ کلچر سینٹر ءِ زوت ھڈ کنگ ءُ پچ کنگ شائر ءُ ادیباں پہ پیراں سالی ءِ وزیپہ – میری کلات ءِ شر کنگ ءُ آئی ءِ پھازگ ءُ کلات ءَ بگر تاں بنجاھی شھدگ ءَ دگ ءِ پکا کنگ – تربت شھدربر جاہ ءَ آرکیالوجی ڈیپارٹمنٹ اڈ دیگ بہ بیت کہ بلوچ ریجن درگت ءَ پٹ پول بہ کنت –

مراگش ءِ گڈسر ءَ شئر ءُ شائری، ساز ءُ زیملی دیوان ءِ کنگ بوتگ – کہ آئی ءِ گچینی مھمان مبارکیں قاضی بوتگ ءُ اسٹیج سیکرٹری ڈاکٹر اے آر داد بوتگ – شئر ءُ شائری ءَ اللہ بخش بزدار، میر عمر میر، بشیر بیدار، ممتاز یوسف، منیر مومن، نثار یوسف ، عارف عزیز، زبیر مکتار، سعید تبسم مزاری، ارشاد پرواز، عمران ثاقب، وحید نور، قاسم فراز، دگہ بازیں شائراں شئر ونتگ ءُ وتی ھیال درشان اِتگ انت-