بلوچستان ءِ دمگ بولان ءَ ناشناسیں مردماں پاکستانی لشکریانی گاڑی بمب تراکے ءَ نشانگ کُتگ۔
اھوالانی ردءَ انڈس ءِ ھندءَ لشکریانی راشن بروکیں گاڑی دگءِ کُنڈ کل کُتگیں بمب تراکے ءِ نشانگ بیتگ، تراکءَ پد لشکریانی دگہ ٹولی ھم وئیل جاہ ءَ سر بیتگ اَنت۔
واکدارانی نیمگءَ داں انگت تاوانانی درگتءَ ھچ پئیمیں درشان دیما نئیتکگ اَنت وھدیکہ ھندی اھوالانی ردءَ لشکریاں جانی ءُ مالی تاوانانی دیمپانی کنگ کپتگ۔
اُرش ءِ زمہ واری داں انگت ھچ گلءَ نہ زرتگ وھدیکہ گوستءَ انڈس ءَ ھوار بولان ءِ دگہ دمگانی تہءَ بیتگیں اُرشانی زمہ واری بلوچ آجوئی لوٹوکیں گل بلوچ لبریشن آرمی ءَ زرتگ اَنت۔