پاکستان ءِ ٹیم ٹی ٹونٹی ورلڈکپ ءِ سیمی فائنل ءَ گوازی کنت – سچن تنڈولکر

ھندوستان ءِ گوستگیں کرکٹر سچن تنڈولکر ءَ وتی پیش گمانی ءَ گوشتگ کہ آسٹریلیا ءَ برجاھیں ٹی ٹونٹی ورلڈکپ ءِ سیمی فائنل ءَ سر بیوکیں ٹیمانی توک ءَ پاکستان ءِ ٹیم ھوار اِنت-

برطانوی روتاک ٹیلی گراف ءِ رد ءَ ھندوستان ءِ گوستگیں کپتان ءِ گوشگ اِنت’ من ھمے لوٹ آں ھندوستان ٹی ٹونٹی چیمپیئن ءِ جوڑ بہ بیت بلے سیمی فائنل ءَ منی چارٹیم اَنت ھندوستان، پاکستان، اسٹریلیا ءُ انگلینڈ ءَ اَنت‘-

آئی ءَ گوشتگ کہ اے ھم زانگ لوٹ ایت نیوزی لینڈ ءُ زرباری افریقہ ءِ ٹیم میگا ایونٹ ءَ ڈالچار کنگ نہ بنت-

سچن تنڈولکر ءِ رد ءَ ’ آسٹریلیا ءَ ھستیں پلینگ کنڈیشنز تچک ءَ ھما رنگ اِنت ھما وڑ ءَ کہ ستمبر ءُ اکتوبر ءَ زرباری افریقہ ءَ بیت اِنت ھمے واستا زرباری افریقہ ءِ کھلھاڑیاں اے وڑیں کنڈیشنز ءِ ھادت اِنت‘-

زانگ بہ بیت پاکستان ءُ ھندوستان ءِ ٹی ٹونٹی ورلڈکپ بیست ءُ سَے اکتوبر ءَ میلبورن کرکٹ گراؤنڈ ءَ دیم پہ دیمی ءَ کاینت-

ھندوستانی کرکٹ ٹیم ءِ درگت ءَ تنڈولکر ءَ گوشتگ کہ مئے ٹیم متوازن ءَ کومبینشن ءِ درچاں شر اِنت من ءَ امیت اِنت کہ مئے ٹیم دیم ءَ روت اِنت-

پاکستان ءُ ھندوستان ءِ ٹیماں ھمے سال ءِ اگست ءَ ایشیا کپ ءَ دو رند ءَ دیم پہ دیمی بیتگ اولی میچ ھندوستان ءَ پنچ وکٹاں کٹ اتگ ءُ دومی میچ پاکستان ءَ پنچ وکٹاں کٹ اتگ –