بلوچستان ءِ بُنجاھی شھر چہ شال ءَ پاکستانی پوج ءَ یک ھپتگے ءَ ساری ورنایے آوار جتگ ءُ ناشناسیں جاھے ءَ برتگ-
سربوتگیں ھالانی رِد ءَ شال ءِ دمگ بروری دگ وحدت کالونی اولی اسٹاپ ءَ پاکستانی پوج ءَ یک مردمے آوار جنگ ءَ پد بیگواہ کتگ-
آوار جنگ بیتگیں ورنا ءِ پجّار امید ء ولی خان رند نام ءَ چہ بیتگ-
کھول ءَ وئیل راست کتگ ءُ گْوشتگ کہ اے ورناہ یک ھپتگے ءَ ساری پوج ءَ آوار جتگ ءُ بیگواہ کتگ کھول رِد ءَ امید یک پوریاگرے ءُ آئی ءَ پوریاگری کتگ ءُ وتی لوگ مردم لاپ داتگ اَنت –
آیاں انسانی ھکانی ادارھاں گوں دزبندی کتگ ءُ گْوشتگ کہ آئی ءِ یل کنائینگ ءِ ھاتر ءَ وتی کرد ءَ پیلو بہ کن اَنت-
زانگ بہ بیت بلوچستان ءَ جتاجتائیں دمگاں ھمکروچ زورانسری آوار جنی ءِ وئیل نکش بیگ ءَ اَنت-