شال ءَ گیس شر کنگ بوتگ، مھلوک لینانی ودار انت

ھمے زوتاں بوتگیں ھئورانی سوب ءَ شال ءَ ھوار سرجمین بلوچستان ءَ گیس ءُ لین ءِ نہ بوھگے سوب ءَ مردم سک باز دلسیاہ بوتگ انت –

بنجاھی شھر شال ءَ مروچی یانزدہ روچاں پد سوئی گیس شر کنگ بوتگ، بولان ءَ بی بی نانی پھل ءِ کپگ ءَ سوئی گیس ءِ پیپ ھم ھار ءَ برتگ انت کہ چریشی ءِ سوب ءَ بلوچستان ءِ بنجاھی شھر شال ءُ دگہ دمگاں سوئی گیس نہ بوتگ –

سوئی سدرن گیس کمپنی ءِ نیمگ ءَ مروچی یانزدہ روچاں پد گیس ءِ شر کنگے کار سرجم بوتگ انت بلے تنی وھدی لین ھنگت ھڈ کنگ نہ بوتگ انت مھلوک وداریگ انت –

بلوچستان ءَ بشی ھئوراں تباھی کتگ ءُ لینانی نزام ھم درگان درگان کتگ انت ھپتگ ءِ بیت کہ شال ءُ دگہ دمگاں لین نیست اِنت –

بازیں دمگاں نیشنل گریڈ 220 کے وی ءِ یانزدہ کمبہ ھاراں برتگ انت ءُ لھتے کپتگ چریشی ءَ گوستگیں شش روچ انت کہ شال ءُ بلوچستان ءِ دگہ دمگاں لین نیست مھلوک دلسیاہ انت –

کیسکو بنشون ءِ رِد ءَ اے کمبھانی ھڈ کنگے کار برجاہ انت ھمے زوتاں کار سرجم بنت چہ بولان ءِ نیمگے دمگاں لین دیگ بیت-

زانگ بہ بیت بلوچستان ءِ اے وھدی 1350 واٹ زلورت انت وھدیکہ چدو پیش بلوچستان 750 میگا واٹس لین دیگ بوتگ بلے ھنو بوتگیں ھئورانی سوب ءَ چدوکمتر بوتگ ءُ 250 ءَ سر انت کہ چہ ڈیرہ غازی خان بگر تاں لورلائی ءُ شال ءِ گریڈ سربوگ ءَ انت –