اگاں منی پت ءَ یل نہ کن ات گڑا من ءَ بر ات پت ءِ گور ءَ – مھر ناز

بیگواھیں ڈاکٹر جمیل کھتیران ءِ جنکو ءَ گْوشتگ کہ اگاں منی پت یل کنگ بوت نہ کن ات گڑا من آں آئی ءِ گور ءَ بر اِت –

بیگواھیں ڈاکٹر جمیل کھتیران ءِ جنکو ءَ وتی یک تامُر درشانے شنگ کتگ ءُ گْوشتگ کہ پت یک دراجیں مدتے بیگواھی ءِ سبب ءَ آیانی لوگ مردم سک تکانسر اَنت، شش ماہ ءِ دراجیں ودار ءَ اَبید منی پت دیم ءَ آرگ نہ بوگ ءَ اِنت- جمیل کھتیران چُک ءَ گْوشتگ کہ ما گوں کے ءَ وتی پت ءِ یل کنائینگ ءِ جُست ءَ بہ کن ایں-

تامُر درشان ءَ مھر ناز بلوچ ءَ تران کنان ءَ گْوشتگ کہ اگاں منی پت جمیل کھیتران یل کنگ نہ بیت گڑا من وتی پت گور ءَ روگ ءَ ساڑیاں مارا گْوشگ بہ بیت کہ منی چی ھاتر ءَ ءُ کجام جرم ءَ بندیگ کتگ-

زانگ بہ بیت مھرناز ءِ پت جمیل بلوچ یک ڈاکٹرے، ھمے سال 23 فروی ءَ بلوچستان ضلع بارکھان ءَ چہ آوار جنگ ءَ پد زورانسری بیگواہ کتگ کہ شش ماہ ءَ پد ھم آ دیم ءَ آرگ نہ بوتگ-

مھرناز ءَ گْوشتگ کہ آ ھمے میان ءَ وتی پت ءِ پہ سلامتی یل کنائینگ ءِ ھاتر ءَ بازیں زھرشانی ءِ نکش کتگ، ادارہ ءُ کانود ءَ چہ انساپ ءِ لوٹ کتگ بلے منی پت ءَ یل کنگ ءَ نہ اَنت ءُ ناں آئی ءِ جرم ءَ گوشگ اَنت-

مھرناز کہ آ انّی سک کسان اِنت ءُ وتی پت یل کنائینگ ھاتر ءَ بازیں زھرشانیاں ھوار بوتگ، آئی ءَ گْوشتگ دراجیں مدتے ءَ چہ آ وتی پت ءِ ودار ءَ اِنت مھرناز ءَ وتی پت ءِ پہ سلامتی یل کنائینگ ءِ لوٹ کتگ-