روکپتی بلوچستان ءَ دگ ءِ وئیل ءَ شش مردم زدگ ءُ بیران بیتگ اَنت

روکپتی بلوچستان ءَ گاڑیانی ٹکر ورگ ءَ شش مردم زدگ ءُ بیران بیتگ اَنت-

گیشیں ھالانی رد ءَ وئیل روکپتی بلوچستان ءِ دمگ بندر عباس میناب ءَ پیش اتکگ کہ اود ءَ چار گاڑیاں ٹکر وارتگ ءُ چریشی ءَ شش مردم زدگ ءُ بیران بیتگ اَنت-

بیران بیتگیں مردمانی تہ ءَ یکے ءِ پجار مجتبی ملاحی ءِ نام ءَ زانگ بیتگ ءُ آ دگہ مردمانی پجار نہ بیتگ اَنت-

ھالانی تہ ءُ گوشگ بیتگ کہ بیران مردمانی تہ ءُ دو کس پت ءُ چک اَنت کہ آیانی پجار نہ بیتگ اَنت –

دمگی مردمانی رد ءَ گاڑیاں سواریں دو مردم سلامتی ءَ بچ اتگ اَنت کہ آ دگہ ستکگ ءُ بیران بیتگ اَنت-

ھالانی تہ ءَ گوشگ بیتگ کہ اے گاڑیاں تیل مان بوتگ کہ چریشی ءِ سبب ءَ ٹکر ورگ ءَ پد گاڑیانی سر ءَ آس کپتگ-

روکپتی بلوچستان ءَ گوستگیں سال ءَ داں انیگ ءَ ھشتاد ءُ ھپت تیل کشیں مردم بیران بیتگ اَنت جتا جتائیں وئیلانی آماچ بیتگ اَنت-