لسبیلہ ءُ مشکے ءِ ھار آماچیں مردم کمک ءِ راہ چار

بلوچستان ءِ دمگ لسبیلہ ءَ بشی ھئور ھارانی آماچ بوتگیں مردم ھنگت بازیں اڈوجنجالانی دیمپان انت –

پاکستان ءِ مزن وزیر ءَ لسبیلہ ءِ ترءُ گرد کینسل کُتگ چریشی ءَ ھار آماچ بوتگیں مردم مایوس بوتگ انت ءُ آھاں سوبائی ءُ وپاکی سرکار ءِ نادلگوشی ءَ مایوسی درشان اِتگ

ھب ءِ برج ءَ ھوار اُتل، بیلہ، لاکھڑا ءِ کساس نود درسد انفراسٹرکچر تباہ بوتگ انت ءُ دھکانکارانی کروڈانی ھساب ءِ رُستگیں کشار تباہ بوتگ انت – مردمانی کارءُبار جام بوتگ ءُ کہ آھانی تہ ءَ دگ،پھل، سکول، رورل ہیلتھ سنٹر ھوار انت ءُ تنی وھدی ھنگت بازیں مردمے کمک ءِ چمدار انت –

ھمے زوت ءَ اتکگیں ھئور ھاراں تباہ بوتگیں انفرا اسٹرکچر جوڈ کنگے کار سک باز سست روی ءِ آماچ انت – وفاقی ءُ سوبائی سرکار ءِ نیمگ ءَ بید درشان ءَ دگہ املی ھچ گامگیج زورگ بوگ ءَ نہ انت –

کے الیکٹرک ءَ نیمگ ءَ ھم بجلی بل ھم گیش کنگ بوتگ – سرکار نیمگ ءَ بس بلاہ بلاھیں گپ جنگ بیت ءُ مڈی دیگ ءِ ھچ وڈیں کوتاھی کنگ ءِ ھم جار جنگ بوتگ بلے تنی وھدی اے درگت ءَ ھچ کنگ نہ بوتگ کہ چریشی ءَ ھار آماچ بوتگیں انفرا اسٹرکچر وتی ھما جاہ انت –

وھدیکہ چاگردی گل وتی کمک ءِ وت کمے مردماں کمک کنگ ءَ انت –

دومی نیمگ ءَ مشکے ءَ ھم ھئور ھاراں تباھی آرتگ – یک ءُ نیم ماہ یَ برجاھیں ھئوراں ہزارانی ایکڑ زمینانی سر ءَ کشتگیں کشاراں ھوار سدانی کچ ءَ گسان ھم تاوان رستگ –

یکرندے پد ءَ مشکے بازیں دمگاں ھوار پروار ءَ ھئور ھاراں بازیں گِس ءِ تاوان داتگ –

پروار ڈھل ءَ سدانی کچ ءَ گِس لمبتگ ءُ کپتگ انت کہ چریشی ءَ بازیں گسانی کھول بے گِس انت ءُ سرکار ءِ کمک ءِ لوٹوک انت –