شال ءُ کیچ ءَ ایف سی ءُ پولیس ءِ سرءَ اُرش

سربوتگیں ھالانی رِد ءَ بلوچستان ءِ بنجاھی شھر شال ءُ تربت ءَ ناشناسیں مردماں ایف سی ءُ پولیس ءِ سر ءَ دزبمب اُرش کُتگ-

گیشیں ھالانی رِد ءَ سَے شمبے ءِ روچ ءَ ناشناسیں مردماں بلوچستان ءِ دمگ تربت آپسر ءَ پیراملٹری فورس ایف سی ءِ پانگس ءِ سر ءَ دزبمب ءِ چگل داتگ ءُ در شُتگ انت- وھدیکہ دزبمب اُرش ءَ پوج تاوان بار بوتگ بلے سرکاری واکدارانی نیمگ ءَ اے درگت ءَ ھچ وڑیں درشان دیگ نہ بوتگ –

دومی نیمگ ءَ بلوچستان ءِ بنجاھی شھر شال ءَ کمبرانی دگ ءَ ناشناسیں مردماں پولیس ءِ سر ءَ دزبمب اُرش ءِ کُتگ –

گوستگیں دو روچانی میان ءَ اے دابیں چار اُرش کنگ بوتگ انت اشی ءَ پیش شال ءُ ھزدار ءَ فرنٹیر کور ءِ کارمند دزبمب اُرش ءِ نشانگ کنگ بوتگ انت کہ آھانی زمہ واری بی ایل اے ءُ بی ایل ایف ءَ منّ اِتگ انت –

بلے مروچی بوتگیں اُرشانی زمہ واری ھچ گلانی نیمگ ءَ منّگ نہ بوتگاں –