بلوچستان : بیگواھیں بالگرد ءِ ٹکر دست کپتگ اَنت

ھُزدار پولیس ءَ پاکستانی آرمی ءِ بیگواھیں بالگرد ءِ ٹُکر دست کپگ پدر کتگ

ڈی آئی جی ھُزدار پرویز عمرانی ءِ گْوشگ اِنت کہ بالگرد ءِ ٹُکر سسی پنو مزار نزیک موسیٰ گوٹھ ءِ نزیک ءَ دست کپتگ-

ڈی آئی جی رِد ءَ بالگرد ءِ ٹُکر کراچی ءَ چہ45 میٹر ءَ دیریں دمگ ءَ دست کپتگ کہ موسیٰ گوٹھ ءِ نزیک درے گئی کوھی بند اِنت-

زانگ بہ بیت گوستگیں روچ اوتھل ءَ چہ کراچی رؤکیں پاکستانی آرمی ایوی ایشن ءِ بالگرد بیگواہ بوتگ-

پاکستانی پوج ءِ ھمگرنچ ( آئی ایس پی آر) رِد ءَ بالگرد ءَ کور کمانڈر 12 کور لیفٹیننٹ جنرل سرفراز علی ، ڈائریکٹر جنرل ( ڈی جی) پاکستان کوسٹ گارڈ میجر جنرل امجد ءُ 12 کور ءِ انجینئر بریگیڈیئر خالد ، پائلٹ میجر سعید ، کمکار پائلٹ میجر طلحہٰ ءُ چیف نائیک مدثر سوار بوتگ اَنت-

چریشی ءِ آسر ءَ دوئیں اپسراں ھوار ششیں مردم مرتگ اَنت-