بلوچستان ءِ تیاب دپی شھر گوادر ءَ ناشناسیں مردماں لشکریانی سرءَ دستی بمب ءَ گوں اُرش کُتگ۔
اھوالانی ردءَ گوادر پورٹ ءِ بنجاھی گیٹ ءِ سرءَ بستگیں نیوی ءِ بنجل ناشناسیں مردماں دستی بمب اُرش ءَ نشانگ کُتگ۔
سربیتگیں ھالانی ردءَ اے اُرش ءِ تہءَ لشکریاں تاوان رستگ، بلے داں انگت اے درگت ءَ واکدارانی نیمگ ءَ ھچ پئیمیں درشان دیما نئیتکگ۔
یات بہ بیت کہ سی پیک ءِ بنجاہ سرپد بیوکیں شھر گوادر ءَ لشکریانی سرءَ مدام اُرش بنت ءُ اے اُرشانی زمہ واریاں بلوچ آجوئی لوٹوکیں گل منانت بلے داں انگت مروچیگیں اُرش ءِ زمہ واری ھچ گل ءَ نہ زرتگ۔