بلوچ زھرشانی کنوکاں سندھ پولیس ءِ نیمگ ءَ باوری، زھرشانی نندانک اے ساھت ءَ دارگ بیتگ
کراچی شھدربرجاہ ءِ دو بلوچ نودربرانی زورانسری بیگواھی ءِ بگیری ءَ زھرشانی کنوکاں سند پولیس ءِ نیمگ ءَ بیگواھیں نودربرانی یل کنائنگ ءِ باوری ءَ پد گوستگیں شپ ءَ سند اسمبلی ءِ دیما چہ زھرشانی نندانک اے ساھتاں ھلاس کُتگ۔
زھرشانی کنوک ءُ سند پولیس ءِ نیام ءَ یک نبشتھی قرار ءِ کنگ بیتگ۔ کہ اِشی تہءَ مروچی بیگاہ ءَ ادار چار ءَ زھرشانی کنوکانی سروکی کنان ءَ چار مردم سی ٹی ڈی واکداراں گوں بلوچ نودربرانی زورانسری بیگواھی ءُ آیانی یل کنائنگ ءِ درگت ءَ گپ کن اَنت۔
کمیٹی میں بلوچ یکجہتی کمیٹی کراچی کی آرگنائزر آمنہ بلوچ، وائس فار بلوچ مسنگ پرسنز کی ڈپٹی جنرل سیکریٹری سمی دین محمد اور لواحقین میں مہناز بلوچ اور شرین بلوچ شامل ہونگے۔
کمیٹی ءَ بلوچ یکجہتی کمیٹی کراچی ءِ آرگنائزر آمنہ بلوچ، وائس فار بلوچ مسنگ پرسنز ءِ ڈپٹی جنرل سیکریٹری سمی دین محمد ءُ چہ کھولاں مہناز بلوچ ءُ شرین بلوچ ھوار بنت۔
زانگ بہ بیت یک شمبے ءِ روچ ءَ مزنیں کساس ءَ زھرشانی کنوکاں کراچی پریس کلب ءِ دیما بگر داں سند اسمبلی ءَ روانک کش اِتگ اَت کہ زھرشانی کنوک سند پولیس ءَ سند اسمبل ءِ نزیک ءَ فوارہ چوک ءِ ھند ءَ داشتگ اَنت۔
کہ ھمودا زھرشانی کنوکاں نندانک بندات کُتگ اَت رند تر ءَ زھرشانی کنوکاں درستیں جنجال گوازینتگ اَنت ءُ سند اسمبلی ءِ دیما رسگ ءَ سوبمند بیتگ اَنت کہ آودہ سند سرکار ءُ پھازگی گلانی بگیری ترندیں اوگام جتگ اَنت۔
زھرشانی بیگواھیں نودربرانی کھول ءِ دزبندی ءِ پدءَ برجم دارگ بیتگ۔ بلوچ یکجہتی کمیٹی کراچی، وائس فار بلوچ مسنگ پرسنز، انسانی حقانی گل ءُ دیمروی پسندیں نودربر گلانی کمک گون بیتگ۔
زھرشانی کنوکاں کراچی شھدربرجاہ ءَ چہ بیگواہ بیتگیں دوھیں نودربرانی یل کنائنگ ءِ لوٹ کُتگ۔ زھرشانی کنوکاں سرکاری گلانی نیمگ ءَ بلوچ نودربرانی بیگواھی ءِ ھلاپ ترندیں اوگام جتگ۔
زھرشانی کنوکانی گُشگ اِنت کہ 07 جون 2022 ءَ بلوچستان ءِ دمگ کیچ ءَ سیادی داروکیں دو نودربر کراچی ءَ چہ بیگواہ کنگ بیتگ اَنت۔
یات بہ بیت کراچی ءِ ھند مسک چورنگی ءَ لوگے ءِ سرءَ بیڑ برگ ءَ پد دودا بلوچ ء الہی بخش ءُ آئی ڈیپارٹمنٹ ءِ ھمرائیں نودربر غم اَف بلوچ ء غنی بلوچ چیریں ادارگاں پھازگی لشکریاں زورانسری بیگواہ کُتگ اَنت۔
دودا بلوچ کراچی شھدربرجاہ ءَ فلسفہ ءِ سیمی سیمسٹر ءُ غمشاد بلوچ پنچمی سیمسٹر ءِ نودربر اِنت، دودا بلوچ ءِ سیادی گوں کیچ دمگ ءِ مزن شھر تُربت ءَ اَنت وھدیکہ غمشاد بلوچ کیچ دمگ ءِ مند ھنکین ءَ سیادی داریت۔