شھید سکندر پنام شے مُرید ءَ – سبز آپ بلوچ

شھید سکندر پنام شے مُرید ءَ

نبشتہ کار: سبز آپ بلوچ

دی بلوچستان پوسٹ

وتن دوست کوہ ترشتیں تلارانی سر ءَ نرم نرم ءَ ایرکپان اَت جنزان ات پہ وتی مرادانی منزل ءَ سبزیں سِکاں بوس گران ات ۔درچکانی لھمیں تاک چو کبگ ءَ لڈان ات اَنت چہ شھو ءِ پاد برمشاں زمین ءِ تلاھیں سنگ-

چمگانی سارتیں آپ ودار ءَ اِت اَنت کہ کدی شھو وتی کلیگ ءَ پُر بکنت مارا وتی سرے سرجاہ ءُ وتی تن ءَ بے پروش ایت کہ مئے پھازگ ءَ اے گرم ءُ جل ءَ کوہ ءُ ڈاکاں وئیل انت- شیھو جنزان ات ۔ تپنگے دزگر ءَ گپتگ َاَت ھیالانی زر ءَ جیڑگ ءَ اَت پہ کے ؟ پمن پتو کہ اے سرڈگار منی دیریں دژمناں چہ من ءَ پُل اتگ پچگرگ لوٹ ایت پہ منی باندات ءِ وشھالی ءَ سر گپتگ ات ھمے دمان ءَ کپوتی ءَ کوُ کوُ کت شاھین برز ءَ بال اِت اَنت-

شیھو سبزیں سک ءِ دلبند ءَ سارتیں چمگ ءَ وتی کلیگ ءَ پر کنگ ءَ اَت تاس ءَ سد سال ءَ وپا کنگی اَت بلے آئی ءَ وفا نہ کت دژمن ءِ دست ءَ دیریں بھا بیتگ اَت بلے اے دل سپائیں مرید ءَ ھچی نہ پھم اتگ اَت کہ اے چاکراں دیریں ھانی ءِ سودا جتگ-

آ بس پہ وتن دیوانگ اَت کہ منی کول انت بلوچی ترا بانور کناں روچے آئی ھمراہ چہ کوہ ءِ برزی پرگ ءَ ھما دیم وتن آزاتی ءِ درس ءَ دیگ ءَ اِت اَنت دل مہ جیڑ کہ چراگ تھنا انت شیھو وتی کش ءِ ھمبلوک ءَ چہ پول اِت برو منی پشکپتگیں کاراں سرجم کن کہ من ھمے ھاک ءِ دلبند ءَ دائمی وابے جناں-

شیھو ءَ ھمے تلائیں سنگ وتی سرجاہ کت واب کپت بلے دژمن ءِ دیم ءَ دست برز نہ کت انت
ھاک ءِ سود ءَ ئِے نہ جت سارتیں چمگ ءَ کمُک برز تر تلار ءِ دلبند ءَ نمیران بیت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔