باندات
شائر: ساجد بلوچ
دی بلوچستان پوسٹ
دل گْوشی درکپ منزل ءِ کوہ ءَ
بلے گران اِنت پہ ھر کس ءَ کوہ ءَ
اے چونیں گنوکاں زمین زدگاں
نندگ نزان اَنت روان ءَ بس
آ ھما مردماں
مرگ ءَ پد ترا گوانک جن اَنت
پاد شیپادی دراتکگ اَنت
گوں سنگت ءُ ھمبلاں
ھست آیانان اُمیتے
کدی ابیتکین شپ بام بیت
تھاری اڑوکیں پاداں
بیت وشیں سُھبے بندات ءِ
وھدے کہ آیاں وت ءَ مار ایت آ گار اِتاں
وتی شوھازگ ءَ درکپتگ اِتاں
آ مُدامی ساجو ءَ پہ تو
گِلّگ ءِ نام ھم شموشتگ آیاں
پرچہ کہ تئی اِشک ءَ گنوک اِتاں
سر سر جنّان اِتاں۔۔
نہ زان ءَ چے ڈولیں مردم اِتاں
آ دْرست پکیر اِتاں
پہ ھانی ءَ گنوک اِتاں
چو شے مرید ءَ شیدا اِتاں۔