بلوچستان ءِ ضلع لسبیلہ ءَ تیاب دپی دمگ گڈانی ءَ دمگی زالبولانی نندانک گوستگیں چیزے روچ ءَ گڈانی پارک ءَ برجاہ ءَ اِنت-
ھک دے تھریک بلوچستان ءِ سروک مولانا ھدایت الرحمان بلوچ ءَ مروچی یکجھی ءِ ھاتر ءَ بُنجل ءَ اَتکگ ءُ بھر زرتگ-
سربوتگیں ھالانی رِد ءَ گڈانی بلوچستان کوسٹل ڈویلپمنٹ ءِ بگیری ءَ سوشل باسک لعل بی بہ بلوچ ءِ چیردستی ءَ چار روچ ءَ برجاھیں نندانک برجاہ ءَ اِنت-
ھمے درگت ءِ سر ءَ دمگی دریاورداں ھدایت الرحمان بلوچ ءِ وش آتک کتگ، سوشل باسک لعل بی بی ءَ گڈانی ءِ دریاوردیں راج ءِ پریشانی جیڑہ ءِ دیمپانی ءِ درگت ءَ مولانا ھدایت الرحمان بلوچ ءَ سرپد کُتگ-
ھمے درگت ءَ مولانا ھدایت الرحمان بلوچ ءَ نندانک نشتگیں مردماں گوں تران کنان ءَ ھک دے تھریک گڈانی ءَ ھوار بلوچستان ءِ دریاوردانی جیڑہ ءِ سر ءَ وتی توار چِست کتگ، لسبیلہ ءَ ملٹی نیشنل شرکت ھست اَنت بلے دمگی مردمانی واست ءَ کار روزگار در بند کنگ بوتگ اَنت، دمگی بے روزگاریں مردمانی گوم ءَ مدام ماتو ایں مات ءِ وڑیں رویش کنگ بیت-
آئی ءِ گوشگ اِنت کہ دمگی بے روزگار ایں ورناھانی زُلم ءُ زیادھی مردم اے مئے وتی نامینتگیں وزیر ءُ گزیرانی نابودی مئے یکیں روزگار ھمے دریاردی اِنت، مئے زر ءَ زری دُز مافیانی بگیری ءَ تاں وتی ساہ ءَ جنگ برجاہ دار آں-
آئی ءَ گْوشتگ کہ دریاورداں زورگری ءِ موکل ھچ کس ءَ ندیاں بلوچستان کوسٹل ڈویلپمنٹ اتھارٹی گڈانی ءَ دریاوردانی جیٹی ءَ پچ بہ کن اَنت-