ڈیھ ءِ پھازگ ءِ جھد ءَ سرمچار خالد حسین پنّام ءِ رشید نمیران بوتگ – بی ایل اے

بلوچ لبریشن آرمی ءِ جارکش جیئند بلوچ ءَ وتی شنگ کتگیں درشانے ءِ تہ ءَ گوشتگ کہ قلات ءِ کوھی دمگاں 25 مارچ 2022 ءَ آدینگ ءِ روچ ءَ ناگاھو ءِ ھند ءَ بلوچ لبریشن آرمی ءِ سرمچار ءُ دُژمنیں پوج ءِ نیام ءَ یک دْراجکشیں میڑے بندات بوتگ۔

جیئند بلوچ ءَ گوشتگ کہ زورگریں پاکستانی پوج ءِ بازیں کارندھے اے اُرش ءِ تہءَ مرتگ ءُ ٹپی بوتگ اَنت وھدے کہ گوں دلیری ڈیھ ءِ پھازگ ءِ ھاتر ءَ جنگ کنان ءَ بی ایل اے یک سرمچنڈیں سرمچارے ھم نمیران بوتگ-

آئی ءَ گوشتگ کہ زورگریں پوج ءِ گوم ءَ میڑ ھما وھد ءَ بندات بوتگ وھدے اے دمگ ءَ زورگریں پوج ءِ بُرزی ءُ جھلی لشکریاں بیڑ بندات کتگ- جارکش ءِ رد ءَ بی ایل اے یک جُنزوکیں ٹولی، دیما کنزوکیں دُژمنیں پوج ءِ گوم ءَ دیم پہ دیمی بوتگ ءُ ھمد ءَ یک دراجکشیں میڑے ءَ سرمچاراں دُژمنیں پوج ءُ کُشندہ ٹولی ءِ بازیں کارندھے کشگ ءُ ٹپی کُتگ ءُ آیانی پیشگامی داشتگ وھدے کہ میڑ ءِ وھد ءَ سرمچار خالد حسین پنّام ءِ رشید نمیران بوتگ-

نمیران بوتگیں سرمچار خالد حسین پنّام ءِ رشید جھمنند نرمک، تخت ءَ 2014 ءَ بی ایل اے ءَ ھوار بوتگ، اے وھداں آئی ءَ کوھی ءُ شھری جنگاں وتی زمہ واری سرجم کتگ ءُ بازیں جنگ ءُ میڑاں دُژمن ءِ پروش دیگ ءَ وتی کرد پیلو کتگ اَنت-

جارکش ءَ گُڈ سرءَ گوشتگ کہ بی ایل اے ءُ سرجمیں راج وتی اے بے مٹیں نمیرانءَ ھچ وڑ شموشکار نہ بنت ءُ بلوچ شھیدانی ھونانی بدل ءَ آجوئیں بلوچستان ءِ دروشم ءَ گپت-