کیچ ھوشاپ ءَ کشندہ ٹولی ءِ کارمند ءِ کوش ءِ زمہ واری بی این اے ءَ منّ اِتگ

کُشندہ ٹولی ءِ کارمند عجاز کوش ءں زمّہ واری ءَ منّ ایں آ کشندہ ٹولی ءِ ھندی سروک سعید لاٹُو ءِ نزیکیں کارمندے بوتگ – مرید بلوچ

آجوئی لوٹوکیں سلاہ بندیں گل بلوچ نیشنلسٹ آرمی ءِ جارکش مُرید بلوچ ءَ رسانکدراں وتی شنگ کرتگیں درشان ءَ ریاستی کُشندہ ٹولی ءِ کارمند عجاز ءِ کوش ءِ زمّہ واری منّ اِتگ –

جارکش ءَ وتی درشان ءِ تہ ءَ گوشتگ کہ مئے سرمچاراں نوزدہ مارچ ءَ کیچ ءِ دمگ ھوشاپ ءَ ریاستی کشندہ ٹولی ءِ کارمند عجاز ء عیسیٰ جھمنند سنگ آباد تجابان تیرباران کتگ ءُ کشتگ ءُ آئی ءِ سلاہ گوں وت برتگ اَنت- عجاز ریاستی کشندہ ٹولی ءِ ھندی سروک سعید لاٹو ءِ نزیکیں کارمندے بوتگ-

جارکش ءَ گوشتگ کہ عجاز دمگ ءِ تہ ءَ چاگردی سِلکاری ءُ آجوئی دوستیں ھمبلانی شھید کنائینگ ءُ دوزواھانی گار ءُ بیگواہ کنائینگ ءَ ھم ھوار بوتگ-

جارکش مرید بلوچ ءَ دیمتر ءَ مستونگ ءِ لس مھلوک ءَ چہ دزبندی کُتگ گوشتگ کہ آ چہ استانی چریک سکندر بڈھازی دھوار ء عبدالسلام، علی احمد دھوار ء عید محمد، ساقب دھوار ء نزیر احمد، ناسر بڈھازی دھوارء عبدالسلام ءَ چہ چاگرد دوری بہ دار اَنت۔ پرچا کہ گَل ایش آں کجام اوں وھدءَ نشانگ کت کنت۔کشندہ ٹولی ءِ اے کارمند گوستگیں ایپ سی کارمند ناسر ءِ سروکی ءَ لس مھلوک ءَ بیھار دئیگ ءُ ملام گرگ ءُ دگہ بازیں چاگردی سِلکاریاں ھوار بوتگ اَنت۔

گڈسر ءَ جارکش ءَ وتی درشان ءِ تہ ءَ گوشتگ کہ مئے راج پھازی اُرش داں بلوچستان ءِ آجوئی ءَ برجاہ مان اَنت-