لاھور تراک ءَ پد گَل ءِ بگیری ءَ بندات بیتگیں لشکر کشی ءَ چہ گل پاکستان ءِ تہ ءَ بندات کتگیں راج پھازی کاراں ھچبر پدکنز نہ بیت اِنت ۔ مرید بلوچ
25 مارچ ءَ بولان ءُ کلات ءِ کوھی دمگ ناگاؤ ءَ پاکستان ءِ 10 جنگی بالگرداں مزنیں کساسے ءَ پندی لشکر ءُ کشندہ ٹولی ءِ ھمراھی ءَ گل ءِ یک مزن بنجلے ءِ سر ءَ اُرش کتگ۔ بنجل ءِ پھریزی سنگراں ساڑی ئیں سرمچاراں گوں یک ترندیں پَسّھی اُرشے ءَ دژمن پہ بنجل ءِ آیگ ءَ داشتگ ھمے سَوَب ءَ بنجل ءَ ساڑی ئیں سرجمیں سرمچار پہ سلامتی درآیگ ءَ سوبین بوتگ اَنت۔ پھریزی سنگر ءَ ساڑی ئیں گل ءِ بنجل ءِ کماندار نصیب اللہ بنگلزئی ءُ دگہ دو ھمراہ آں یک دراجکَشّ ءُ ترندیں میڑے ءَ دژمن ءِ پانزدہ کارمند کشتگ اَنت کہ آئی ءِ تہ ءَ لشکر ءِ ایس ایس جی کمانڈو فرنٹیر کور ءُ کشندہ ٹولی ءِ کارندہ ھوار بوتگ اَنت۔
اے دراجیں میڑ ءَ زمینی لشکر ءِ بازیں کارندھانی مرگ ءُ پدکنزی ءَ پد لشکر ءَ جنگی بالگرد پہ کمک ءَ لوٹائینتگ اَنت۔ بالگردانی سر ءَ دو راکٹ ھم آس دیگ بوتگ کہ آسر ءَ یک جنگی بالگردے ءَ کسانیں کچے ءَ تاوان رَس اتگ۔جنگی بالگردانی ترندیں تیرگواری ءِ آسر ءَ سئیں سنگت پہ گلزمین ءِ سیراپی ءَ نمیران بوتگ اَنت نمیران بوتگیں ھمراھانی تہ ءَ ناگاؤ ءِ بنجل کماندار نصیب اللہ بنگلزئی ھوار اِنت کہ آ گَل ءِ جنرل کماندار واجہ سرپراز بنگلزھی ءِ بچ اِنت آئی ءِ کستریں برات شھید فیصل بنگلزئی 2016 ءَ ناگاؤ ءَ وتی شش ھمراھاں گوں شھید بوتگ اَت۔ شھید نسیب اللہ بنگلزئی چہ درکسانی ءَ وتی پِت ءِ ھمراھی ءَ 2009 گوں راجی جھد ءَ ھمگرنچ بوتگ۔ آ یک دلیریں ءُ وتن دوستیں پُسگے بوتگ۔ آ جنگی پِڑ ءَ یک زانتکاریں استادے بوتگ۔ آئی ءَ شال مستونگ بولان ءُ کلات ءَ دژمن ءِ بگیری ءَ بازیں جنگے ءَ بھر زرتگ ،آئی ءِ سِنچ ءُ زانت ءِ سوَب ءَ آئی ءَ را 2020 ءَ کلات ناگاؤ بنجل ءِ کماندار نامینگ بوتگ اَت۔ آئی ءَ وتی زمہ واری داں نمیرانی ءَ گوں جوانیں رنگےءَ پیلو کتگ اَنت۔
بلوچی زبان ءِ ورنائیں شائر وارس مراد پنام شیھک ء مرادبخش جھمنند پسنی کلانچ چہ گوستگیں دوسالاں گوں گَل ءَ ھمگرنچ بوتگ۔ آ یک ورنائیں آشوبی شائرے ءُ زمین ءِ راستیں شیداھے بوتگ۔ داں نمیرانی ءَ آئی ءَ شائری ءَ ھوار سلاہ بندیں جھد ءِ پڑ ءَ جوانیں کِردے پیلو کتگ۔ داں نمیرانی ءَ گوں زمین ءَ وپادار بوتگ ۔ سنگت ھَدئے کلوھی رند پنام ڈاڈو ء فتح خان جھمنند ڈھاڈر سیوی چہ 2009ءَ راجی سلاہ بندیں جھد ءَ ھمگرنچ بوتگ۔ آئی ءَ شال ڈھاڈر بولان مستونگ ءُ کلات ءَ دژمن ءِ بگیری ءَ جوان ءُ سوبمندیں جنگاں بھر زرتگ۔ آ سرڈگار ءِ راستیں پُسّگے بوتگ ءُ آئی ءَ داں نمیرانی ءَ کوہ وتی گِس کتگ اَنت۔
ما زورگر ءَ تچک ءَ گشگ لوٹ ایں کہ مئے گَل ءِ بگیری ءَ روانیں اے ترندیں لشکر کشی ءَ ما پاکستان ءِ تہ ءُ توک آں چہ وتی کارانی شَل ءَ ھچبر پدکنز نہ بئیں۔ پہ شھیدی آں مئے ھمت نزور نہ بنت۔
سرجمیں شھیداں “شھدائے زَھم جَن” ءِ ستائی نام ءَ دیگ ءِ جار ءَ جن ایں۔ اے پُرشانیں ستائی نام چِد ءُ پیسر ناگاؤ ءَ 2016 ءَ شھید بوتگیں سنگت شھید منظور، شھید فیصل ءُ آدگہ شھیدیں ھمراھاں دیگ بوتگ۔
داں آجوئیں سرڈگارے ءَ نمیرانی ءُ دیمونیانی دْرچ روان کنت۔