پاکستان اسمبلی باسک ءُ بلوچستان عوامی پارٹی ءِ راھشون خالد مگسی ءَ اسلام آباد ءَ گپ ءُ تران ءِ میان ءَ گْوشتگ کہ ما چار سال ءَ ساری پوج ءِ گوشگ ءِ پد ءَ مسلم لیگ ن ھکومت دور داتگ-
اسلام آباد ءَ اپوزیشن اتحاد ءِ ھمراھی ءَ پریس کانفرنس ءَ بلوچستان عوامی پارٹی یکین نہ بوگ ءِ درگت ءَ اپوزیشن ءِ ھمراہ بوگ ءِ جار جتگ-
ھمے درگت ءَ یک اِھوالکار مطیع اللہ جان ءَ جُست کتگ کہ تو چار سال ءَ ساری کئی گْوشگ ءِ پد ءَ بلوچستان ءِ ھکومت دور داتگ؟ مرچی تو اے گپ ءَ بہ منّ-
خالد مگسی پسّہ داتگ ءُ گْوشتگ کہ چوٹیں جُست کن ئے گُڑا ھمے وڑیں پسّہ رس اِیت-
وھدے پوج سیاست ءَ دزمانجی کنت گُڑا پد ءَ ھم تو آئی ءَ شریں وڑے ءَ نندگ ءَ نیل ئے ءُ اگاں مرچی آ یک کر اِنت تو آئی ءَ پھل کنگ ءَ نہ ئے- تو اے وڑیں گپاں بل-
آئی ءِ گْوشگ اِنت کہ اھاں ما چار سال ءَ ساری پوج ءِ گوشگ ءِ پد ءِ سر ءَ بلوچستان ھکومت دور داتگ- ھمے درگت ءِ سر ءَ جمعیت علمائے اسلام ءِ سروک مولانا فضل الرحمان ءَ گپانی تہ ءَ دور کتگ ءُ گْوشتگ کہ اے وڑیں جُست جُست کنگ مہ بیت-