ریاستی چاریگ کوش ءَ ھوار ضلع کیچ ءَ موباھل پون ٹاور ءُ کمپنی نشانگ کتگ اَنت- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ گْوشتگ کہ چارشمبے 23 مارچ ءِ شپ ءَ ساھت دہ ءُ نیم ءِ نزیک ءَ بی ایل ایف ءِ سرمچاراں زورگریں بلوچستان ءِ ضلع کیچ ءِ بُنجاھی شھر تربت ءِ دمگ ڈنک ءَ پاکستانی پوج ءِ جوڑکنوکیں کمپنی ایف ڈبلیو او ءِ یک مزدا ٹرکے ءِ سر ءَ اُرش کتگ –

اے کمپنی ھال اھوال نزام ءِ جتائیں شوربندی بزانکہ دگ، موباھل پون ٹاور ءُ فائبر آپٹک دگہ کاراں کنت-

جارکش ءَ گْوشتگ کہ زورگریں ریاست دیر ءُ دارجیں دمگاں گوں تُرندی ءَ ھال ایوال ءُ روگ آھگی نزام ءِ دام ءَ چیر کنگ ءَ اِنت دانکہ آ وتی واست ءَ آسراتی ودی بہ کنت ءُ بلوچانی سُر ءُ پُر آھگ روگ ءِ رندگیری ءَ کُت بہ کن ایں- ھمے وڑ آ پوجی زوراکی ءُ مال مڈیاں لُٹ ءُ پُل ءِ تہ ءَ تُرندی بیار اِیت-

میجر گْوھرام بلوچ ءَ گْوشتگ کہ بیست دو ءُ بیست سے مارچ ءِ میانی شپ ءَ سرمچاراں تربت ناسرآباد ءَ وارد کمپنی ءِ موباھل پون ٹاور سر ءَ اُرش کتگ ءُ سرجمیں مشینری مانداشتگ اَنت-

جارکش ءَ دیمتر ءَ گْوشتگ کہ بیست ءُ دو مارچ ءَ سرمچاراں ریاستی ڈیتھ اسکواڈ ءِ کارندہ دولت ء ملنگ جھمنند بالگتر دزگیر کتگ- پٹ ءُ پول ءِ میان ءَ آئی ءَ منّ اِتگ کہ آ دمگی ڈیتھ اسکواڈ ءِ سروکی ءِ خالد یعقوب ءِ چیردستی ءَ کار کتگ ءُ سرمچارانی چاریگی ءُ رندگیری ءَ آیانی کمک کتگ ئِے- وتی جرمانی منّگ ءَ پد آ مرگ ءِ پرمان دیگ بوتگ- آئی ءَ وتی دگہ سنگتانی نام ھم داتگ اَنت- آ سرجم مئے نشانگ تہ ءَ اَنت راج ءَ گوں دزبندی اِنت آ ٹولی ءَ چہ دیر بہ بنت-

آئی ءَ گْوشتگ بلوچستان ءِ وتواجھی ءَ تاں دُژمن بگیری ءَ اے وڑیں اُرش برجاہ بنت-