ساھار ادبی کاروان ملیر ءِ نیمگ ءَ سیمی کاروان ملیر ءَ اولڈ تھانہ ءَ برجم دارگ بیتگ ءُ کاروان ءِ نیمگ ءَ چار جتا جتائیں جاھاان کتاب اسٹال برجم دارگ بیتگ اَنت-
کاروان بک اسٹال ءَ بلوچی، اردو، سندھی ءُ انگلش ادب ءِ کتاب دزکپتگ اَنت –
اسٹال ءَ بلوچی زبان ءِ نامی ئیں کواس ملا غلام رسول کلمتی، عظیم دھقان، اسٹوڈنٹس، میڈیکل کالج ءِ اسٹوڈنٹس، ڈاکٹر ءُ جتا جتائیں پکراں بندوکیں مردماں بھر زرتگ –
بک اسٹال ءَ یک سد ءُ سِی ءُ چار کتاب بھا بیتگ اَنت کہ چریشی ءَ بھر زیروکیں مردماں گشتگ کہ اے وڑیں کاروان برجم دارگ بہ بنت دانکہ چاگرد ءِ دلگوش گون زانت ءَ بندوک بہ بیت-
ساھار ادبی کاروان ءَ چریشی ءَ پیسر ھم ملیر ءِ ھند کاٹور ءِ جتاجتائیں جاھاں بک اسٹال جتگ بیتگ اَنت-