چہ خاران ءُ پنجگور ءَ پنچ کس بیگواہ کنگ بیتگ اَنت

بلوچستان ءِ دمگ خاران ءُ پنجگور ءَ ھال اِنت پوج ءَ پنچ کس زورانسری آوار جتگ ءُ ناشناسیں جاھاں برتگ اَنت-

گیشیں ھالانی رد ءَ بیست ءُ یک مارچ ءَ خاران ءَ ایف سی ءُ سی ٹی ڈی ءَ ھمگرنچیں بیڑ برتگ ءُ لیویز تھانہ ءِ نزیک ءَ یک لوگے ءَ بیڑ برتگ ءُ اود ءَ امتیاز ء عبدالحمید نامیں ورنایے آوار جتگ ءُ ھمے وھد ءَ پوج ءَ لوگ ءِ مباھل ءُ کمپیوٹر گون وت برتگ اَنت-

چریشی ءَ پد پوج ءَ کُلان ءَ بیڑ برتگ ءُ اود ءَ رضوان احمد ء عبدالباسط ءُ مطیع اللہ دزگیر کتگ ءُ ناشناسیں جاھاں برتگ اَنت ھمے وڑ بیست ءُ سَے مارچ ءَ پوج ءَ وڈھ ءِ ھند ءَ اختر ء افضل دزگیر کنگ ءَ پد ناشناسیں جاھے ءُ برتگ ءُ پد ءَ لھتے اداراں پد یلو کرتگ –

دومی نیمگ ءَ پنجگور ءَ ھال اِبر گوستگیں روچ ءَ چتکان غریب آباد ءَ سلاہ بندیں مردماں یک لوگے ءِ سر ءَ بیڑ برتگ ءُ اود ءَ جاڑیگیں زھگ ءُ زالبول لَٹ ءُ کُٹ کتگ اَنت ءُ غنی ء لشکری نامیں مردمے آوار جتگ ءُ گوں وت برتگ اش –

دمگی مردمانی رد ءَ اے سلاہ بندیں مردمانی سیادی سرکاری پلامرزی ءَ ھستیں ٹولی ڈیتھ اسکواڈ ءَ اِنت-