اسلام آباد: بلوچ نودربرانی نندانک برجاہ، لاھور ءَ زھرشانی

اسلام آباد ءَ بلوچ نودربرانی نیمگ ءَ زورانسری آوار جنگ بوتگیں حفیظ بلوچ ایندگرانی وش ءُ سلامتی یل کنائینگے ھاتر ءَ زھرشانی بنجلمروچی پنچمی روچ ءَ ھم برجاہ بوتگ وھدیکہ لاھور ءَ نودربرانی نیمگ ءَ زھرشانی کنگ بوتگ –

گیشیں ھالانی رِد ءَ اسلام آباد پریس کلب ءِ دیم ءَ بلوچ طلباء کونسل اسلام آباد ءِ نیمگ ءَ زھرشانی نندانک مروچی پنچمی روچ ءَ برجاہ بوتگ، کہاودا نودربر گل،  اھوالکار ءُ انسانی ھکانی باسکاں بھر زرتگ – نودربر وتی سنگت نودربر حفیظ بلوچ ءُ دگرانی زورانسری آوار جنی ءِ بگیری ءَزھرشانی ءَ نشتگ انت –

دومی نیمگ ءَ حفیظ بلوچ ءِ زوارنسری آوار جنی ءِ بگیری ءَ لاھور ءَ بلوچ نودربر کونسل نیمگ ءَ مروچی زھرشانی کنگ بوتگ وھدیکہ نودربراںروانک ءِ کش اِتگ کہ جنک ءُ بچکیں نودربراں بھر زرتگ ءُ دگہ سیاسی ءُ انسانی ھکانی گلاں بھر زرتگ – 

لاھور ءَ زھرشانی کنوکاں بلوچستان ءَ ھمک روچی ریاستی پوج ءِ نیمگ ءَ زورانسری آوارجنی ءِ آماچ بوتگیں نودربرانی یل نہ کنگ، اسلام آباد ءَبلوچ نودربرانی سرءَ لٹ کٹ ءُ زھرشانی کنوکانی ھلاپءَ پولیس ءِ ارزی ایرجتگ – 

زانگ بہ بیت حفیظ بلوچ زورانسری آوار جنی ءِ بگیری ءَ زھرشانی ءِ درچ یکشل ءَ برجاھیں وھدیکہ پولیس ءِ نیمگ ءَ اسلام آباد ءَ زھرشانی کنگ ءَبلوچ نودربراں ھوار دو سد نودربرانی ءُ زھرشانی ءَ ھواریں اھوالکار اسد طور ءُ انسانی ھکانی باسک ایمان مزاری ءِ بگیری ءَ ارزی نبشتہ کنگبوتگ –