بلوچستان ءِ دمگ پنجگور ءَ پاکستانی لشکر ءَ جتا جتائیں جاھاں بیڑ برتگ ءُ کار ءُ باری ءُ چاگردی باسکے ءَ ھوار چارکس آوار جنگ ءَ پد بیگواہ کرتگ اَنت-
گیشیں ھالانی رد ءَ گوستگیں شپ ءِ نھنگام ءَ پاکستانی پوج ءَ پنجگور ءِ جتا جتائیں جاھاں چار کس آوار جنگ ءَ پد بیگواہ کرتگ اَنت-
آوار جنگ بیتگیں مردمانی تہ ءَ ملک میران، بالاچ، عقیل ءُ شبیر ءِ ناماں زانگ بیتگ اَنت – اشانی تہ ءَ ملک میران پنجگور ےِ دمگ عیسی ءُ آ دگہ وشبود ءَ آوار جنگ بیتگ اَنت –
ملک میران ءِ برات بشیر اھمد ءِ گوشگ اِنت کہ مروچی بامگواہ ءِ ساھت چار ءَ پنجگور عیسیٰ ءَ منی کستریں برات ملک میران ء عبدالرشید ءِ لوگ ءِ سر ءَ پاکستانی پوج آیانی ریاستی چریکاں بیڑ برتگ ءُ منی برات ملک میران آوار جتگ ءُ گون وت برتگ ءُ لوگء مردم ترسینتگ انت اش ءُ لوگ ءِ مڈیانی ھواری ءَ یک پک آپ گاڑی ءَ ھوار دگہ مڈی اش برتگ اَنت-