بساک: ھب ھنکین ءِ نیمگ ءَ راجدوستی ءِ درگت ءَ دیوانے برجم دارگ بیتگ

بلوچ اسٹوڈنٹس ایکشن کمیٹی ءِ نیمگ ءَ گوستگیں روچ 29جنوری2022 بساک ھب ھنکین ءِ نیمگ ءَ چہ یک دیوانے ھنکینی کار مستر اھسان بلوچ ءِ پا گواجھی ءَ برجم دارگ بیتگ-

دیوان ءِ سرھال راجدوستی( Nationalism ) ءُ دیوان ءِ ترانکار سیکریٹری جنرل آصف بلوچ بیتگ –

دیوان ءَ آئی ءَ تران کنان ءَ راجدوستی definition ءِ سر ءَ گوشت کہ دگنیا ءِ فلاسفرآں چون define کتگ نیشنلزم ۔

آئی ءَ گوشت Language, Land and culturalء سر ءَ ھم تران کرتگ ءُ دیمتر ءَ دیوان ءِ تران کنوک ءَ گُوشت کہ زانتکار ھمے گوش انت کہ یک راجے ءِ واستا یک اسٹیٹ بوئگ المی انت-

دیمتر ءَ سنگت ءَ بلوچ نیشنلزمء سر ءَ گپ جت ءَ گوشتگ کہ بلوچ راج ءِ تہ ءَ راجدوستی Sentimentally چاکر ءُ گوھرام ءِ دور ءَ درا بیتگ اسٹیٹ نیشنلزم 1660ء مزاھمتی راجدوستی 1839 ءُ سیاسی نیشنلزم 1920ء وھد ءَ گندگ ءَ اتکگ – دیمتر ءَ آئی ءَ بلوچ نیشنلزم ءِ سر ءَ ھم دیوان ءَ بھر زیروکیں مردم سرپد کرتگ اَنت –

دیوان ءِ گڈسر ءَ دیوان بھر زیروکیں مردماں ترانکار ءَ چہ دراھیں جست ءُ پسھی ءَ پد دیوان ءِ آسری بیتگ ءُ دراھیں زیروکانی منت گرگ بیتگ اَنت-