بی ایس او اوتھل ھنکین ءِ نیاد، بامسار بلوچ سروک

بلوچ اسٹوڈنٹس آرگنائزیشن اوتھل ھنکین ءِ نیاد بیتگ، ھنکین نوک کنگ بیتگ، بامسار بلوچ ھنکین ءِ سروک ءُ سجاد بلوچ جنرل سیکریٹری دارگ بیتگ اَنت –

بی ایس او اوتھل ھنکین نوک کنگ بیتگ، نیاد ھنکین ءِ سنگت زکریا شاھوانی ءِ چیردستی ءَ برجم دارگ بیتگ، نیاد ءَ بی ایس او ءِ بنجاھی کمیٹی ءِ باسک نعمان بلوچ گچینی مھمان بیتگ – ھنکین ءِ پتر نوک کنگ ءُ گل ءِ پتر ءِ بنگپ ءِ سر ءَ باوست بیتگ –

نیاد ءِ بندات ءَ بلوچ ءُ دراھیں زیردستیں راجی شھیدانی یاتگیری ءَ دو دمان ءَ بے تواری بیتگ –

چریشی ءَ پد نعمان بلوچ ءَ نیاد ءِ بنداتی سیاسی ءُ زرکاری گھبودی ءِ سر ءَ باوست کنان ءَ گوشتگ چاگرد وھدیکہ دیمروئی کن اَنت گڑا اود ءَ جاڑیگیں ھرچ ھما شَے جنزگ ءَ لگ اَنت گڑا اے دیمروئیانی واستا المی اِنت یک دیمروئی داروکیں سنچے ءِ واھند بیگ لوٹ ایت ءُ یک نیمگی ءَ گستا بیگ ءُ جیڑگ لوٹ ایت –

آئی ءَ گُشتگ چاگرد ءِ مستریں بھر وتی اندر ءَ دیم ءِ وتگندی ءِ جیڑگ اِنت یک زبانے ءِ کارمرد کنگ بیت اِنت آئی ءِ بنکی سنچ بنت اِنت ءُ آیانی پُھ بیگ ءُ کارمرد کنگ ھم باوستان گچین کنت اِنت-

دیمتر ءَ آئی ءَ گپ کنان ءَ گوشتگ مروچی باندا مئے راجداری باسکانی پھتوئی ءِ نیزروی اِنت ءُ اے پھتوئی بس سنچداری ءِ زانت ءَ چہ گرگ بیت اِنت – مئے ورنائیں باسک، راجی زانت ءِ دامن ءَ اَنت – زرکاری ءُ چاگردی زانت ءِ دیم ءَ جنزینگ بس یکیں راہ اِنت آ زانت ءِ گرگ اِنت کہ اشی ءِ واستا مئے تہ ءَ ھچ شرداری نیست اِنت –

مروچی مئے راجداری باسکاں سیاسی ءُ ماشی گر ءُ دارانی سرپد بوگی اِنت دانکہ چاگرد ءِ دیمروئی دوستیں سنچ ءُ پکر ءَ گوں بنکی بندوکی ءِ زانت ءُ سیاسی سرشاری ءَ چکاری ءِ رژن ءَ تالان بہ کن اَنت دانکہ دیمروئی دوستیں سنچ ءَ گھگیر بہ بنت پُل پانچ ءُ زوراکیں دستاں شیوار بہ بنت-

پُلپھانچ کنوکیں نزام ءَ سدگ ءَ المی اِنت مئے راجداری باسکاں زناشتی رنگ ءَ گھگیر بہ بنت یک گیر استھسالی نزامی ءِ آرگ ءَ جد ءُ جھد ءَ دیم ءَ بہ بر اَنت –

چریشی ءَ پد دومی بنگپ ءِ نیمگ ءَ لیکہ درشان کنان ءَ نوکیں پتر دارگ بیتگ چریشی ءَ کامریڈ بامسار بلوچ ھنکین ءِ سروک، سید منظور ھنکین ءِ سینئر نائب سروک، شیرداد بلوچ ھنکین ءِ جونیئر نائب سروک، ھنکین جنرل سیکریٹری سجاد بلوچ، ھنکین سینئر جوائنٹ سیکریٹری ارشاد بلوچ، ھنکین ےِ جونئیر سیکریٹری گُلین بلوچ ءُ سنگت زکریا شاھوانی پریس سیکریرٹیری اوتھل ھنکین ءِ دارگ بیتگ اَنت-

بی ایس او ءِ بنجاھی کمیٹی ءِ باسک نعمان اسحاق ءَ نوک دارگ بیتگیں اوگدوداراں سوگند زرتگ ءُ مراد باتء پیش کرتگ ءُ نیاد ھلاس کرتگ –