بلوچ نودربرانی دزگیری ءَ ایر جن آں – بلوچ اسٹوڈنس کونسل

بلوچ اسٹوڈنٹ کونسل لاھور ءِ جارکش ءَ وتی شنگ کرتگیں درشان ءِ تہ ءَ گوشتگ کہ پنجاپ ءِ پولیس ءَ گوستگیں شپ ءَ بازیں وانگجاھانی ھاسٹل ءُ لاھور ءِ دمگاں نندوکیں نودربرانی نندجاھانی سر ءَ بیڑ برتگ ءُ تُرسینتگ انت –

بلوچ اسٹوڈنس کونسل لاھور ءَ وتی درشان ءِ تہ ءَ گوشتگ کہ لاھور ءَ وانوکیں بلوچ نودربرانی ھاسٹل ءِ کوٹیاں بیڑ برتگ ءُ دست ءُ گوشیں نودربرانی آوار جنی ایر جن آں –

جارکش ءَ نودربرانی ھاسٹل ءِ سر ءَ بیڑ برگ ءُ نودربرانی اوار جنی ایر جتگ ءُ گوشتگ کہ گوستگیں شپ ءَ لاھور ءَ وانوکیں نودربرانی ھاسٹلاں ءَ بیڑ برگ بوگ ءَ اِنت –

جارکش ءَ گوشتگ کہ لاھور ءَ بازیں جاھاں بلوچ نودربرانی کوٹیاں بیڑ برگ ءَ چار بلوچ نودربر آوار جنگ بوتگ اَنت وھدیکہ بیڑ بری ءِ درچ برجاہ انت –

جارکش ءَ گوشتگ کہ ملکی ادارہ آئی ءِ رویش ءَ بلوچ نودربرانی تہ ءَ ترسے پیدا کتگ نودربر چکاسانی وھد ءَ ماژگی ازیتانی آماچ انت –

جارکش ءَ گڈسر ءَ گوشتگ کہ ملکی ادارھاں چہ لوٹ کتگ کہ بلوچ نودربر یل کنگ بہ بنت جارکش ءَ گوشتگ کہ بلوچ اسٹوڈنس کونسل لاھور ءَ بازیں تک ءُ پھناتاں سیادی داروکیں مردماں لوٹ کنت کہ بلوچ نودربرانی یل کنگ ءَ وتی کرد پیلو بہ کن انت –