نبشتانک: نمدی یے پہ شھید میرل جان ءِ نام ءَ
نبشتہ کار: مھسود آلم
دی بلوچستان پوسٹ
میرل جان مدام مئے ھیالانی تہ ءَ زندگ ئے، تئی ھر گپ ءُ مسکرا شوکیں بچکند ھمک ساھت ءَ من ءَ گیر کاینت دل گوشت کہ پہ ترا چیز نبشتہ بکن بلے چوش ءِ لبز منی کرا نیست تئی کردار تویسپ ءَ کرت بہ کن آں ، میرل جان ترا یات بیت من ءُ تو تیرتیج ءَ چہ در کپتاں دیم پہ کولواہ شوت ایں کولواہ ءِ ندارگاں چاران ات اِنت ءُ سنگتے دیست سنگت ءَ گوں ھال ءُ اھوال کرت پد ءَ دیم وتی میتگ ءَ شوت اِنت ھمے روچ ءَ پد ءَ موسم سک زیب دار اَت ،جمبری اَت ساھیل اَت ھور ھم باز بوت میرل جان منی مھروانیں سنگتے ات چہ ھر یکے ءَ تو جُدا اَت من ہر وھد ءَ گوں تو ھوار نشت اوں داھم مزاک ءُ مسکراھی اَت میرل جان یار مرچاں گُلیں تیرتیج ویران اِنت تیرتیج آ تیرتیج نہ انت ۔چٹ بدل بوتگ میرل جان یار یک برے تو پد ءَ واتر کن مئے ٹپیگیں ءَ روژنائی بدے یکبرے پد ءَ بیا پد ءَ ھما مسکراھی گپاں بکن ۔
اڑے میرل جان تئی مات ءَ پہ ترا باز زھیر کُتگ مدام من ءُ ترا دیستگے باز گل بوتگ تو بیا اما جان باز بچکندی اِت پد ءَ اے امروز وھد ھلاس بوتگ تو انگت ءَ دیر کُت من ترا دیر انت دوچار نہ کپتگ اَنت یک روچ من ءُ دگہ سنگتے نشتگ اِنت موبائل توار کت منی چست کت گشی میرل جان گوں دگہ یک سنگتے ءَ بلیدہ شہید بوتگ ھما روچ ءَ منی زندگی ءِ تہ ءَ پمن ءَ چہ قیامت ءَ کم نہ اَت منی زندگی تہار بوت پمن ءَ من وت ءَ وت تسلا دات کہ اے جنگے اے جنگ رھبند انت دشمن ءَ بجن یا وترا پہ سر ڈگار ءَ ندر بکن یک روچے ءَ پد میرل جان ءُ مراد جان ءِ لاش ءِ اکس من دیست بس ھمے گپ دل ءَ اتک پہ زمین جنگ اِنت پہ وتن نمیران اِنت بلے میرو تئی زھیر من ءَ بے چاڑ کن اَنت میرل جان گوں تو زمستانیں شپاں دیوان سک وش آت میرل جان تو دگہ گپے ءَ سھی اِت اے چہ تو پد ھاجی گوں سنگتاں زوت لگور بوت تو پہ وتن ءَ سر دات بلے وتن نہ دات میرو جان تئی ءُ شئے شھادت گُش ئے تیرتیج گیمگ اِنت میرو جان کولواہ ءِ دمگ ترا توار ءَ اَنت-
میرو تو چو اشتاپ کت آجوئی بھار گوات تو بہ دیستیں اَنت آجوئی نو نزدیک اَنت شمئے وڑیں بچاں وتی تنگوئیں ھون رتکگ اَنت پہ سرزمین ءَ بس ترا گڈی ءخ یک گپے گشگ لوٹ آں تو پہ وتن نمیران ئے تو پہ وتن ابدمان ئے ترا شھیدی مبارک بات بلوچستان آجو بات-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔