کراچی ءَ بیگواھیں مردمانی ھاتر ءَ زھرشانی برجاہ

کراچی ءَ وائس فار بلوچ مسنگ پرسنز ءِ زھرشانی بنجل ءَ چار ھزار ءُ پنچ سد ءُ پنجاہ ءُ یک روچ سرجم بیتگ – پی ٹی ایم کورکمیٹی ءِ کلانیں رھشون ملا بھرام، مھمد شیر ءُ گوں ھمراھاں اتکگ ءُ بنجل ءَ پدردی اش درشان کتگ – اے وھد ءَ وائس فار بلوچ مسنگ پرسنز ءِ رھشون سمی دین بلوچ ھم جاڑیگ بیتگ –

وی بی ایم پی ءِ وائس چیئرمین ماما قدیر بلوچ ءَ اتکگیں مردمانی میان ءَ گپ کنان ءَ گُشتگ اگاں بلوچ راج ءِ پُر ایمنیں جد ءُ جھد ءَ مھلوک ءُ پلامرزی ءُ مٹی ءِ ودی کنگ ءِ سر ءَ بہ چاریں گڑا دشمن ءِ نیمگ ءَ ھمک پھناتانی پچ کنگ ءِ ھواری ءَ مھلوک ءِ مٹینگ ءِ ودی کنگ ءِ پژدر ءُ دیر ءُ جھلانکیں جستانی دیم ءَ آیوکی ءَ بندات بیتگ اشانی تہ ءَ گیشتر ریاستی نباشدانی دست مان اِنت -بلے سسائیں بلوچاں اے بے بنیں پندلانی ھلاس بیگ ءَ پد ھم آیاں وتی پندلانی سر ءَ سرجھلیانی دیمپانی بیتگ اے درست جد ءُ جھد ءِ بے سوب کنگ ءَ ریاست ءِ یک پندلے –

آئی ءَ گُشتگ کہ اے درست سرپد بیگی اَنت آیوکیں وھداں ھما جد ءُ جھد ترندیں گاماں روان کنت گڑا اشی ءِ گیش نازانتی ءِ پائدگ ءَ چست کن اَنت دشمن ءِ تاکتدار جست ءُ پرسانی شوھاز ءَ درکپ اَنت دانکہ مھلوک رپینگ بہ بیت، بلے اے پُرایمنیں جد ءُ جھد پسگانی آجوئی ءَ داں برجاہ مان ایت ءُ منی وڑیں کمزوری ءِ نا امیتی ءَ گیش جد ءُ جھد ءَ برجم دارگ سوبمندیانی مانزمان اِنت-

ماما قدیر بلوچ ءَ گُشتگ کہ بلوچ سرڈگار ءِ بھا کنگ ءَ بلوچ راج ھچبر نہ منّ ایت اشی ءِ ھلاپ ءَ جد ءُ جھد کنت اے بلوچاں رد کتگ –