نبشتانک: بے سریں مرد ءِ بے سریں ایراد
نبشتہ کار: گلاب مرزا
دی بلوچستان پوسٹ
بُن اسل ءَ اے بنی آدم ءِ کرنانی ھادتاں چے یک ھادتے کہ مردم وتی ائیباں چیر دیگ ءِ ھاترا دومی ءَ را ڈوباریت ءُ ایر جیگ کنگ ءِ جُہد ءَ کنت۔ ناکامیں مردم مدام کامیابیں مردمانی راہ ءِ دیم ءَ ڈنگر جنت۔ تہار ءُ نازانتیں چاگرد مّدام ڈنگر دیوکیں مردمانی گوما تپاک کن اَنت بلے اے پد منتگیں چاگرد ءَ ہچبر راستی ءِ پولگ ءِ پٹ ءُ پول ءُ راستی ءِ کنگ ءِ جُہد نہ بیت پرچاکہ آئی ءِ چمانی رژن چہ پیسرا پچ گرگ بوتگ اَنت آ زانت کہ دیم ءِ مردم رد گشگ انت بلے پد ءَ اوں آئی ءِ پلہ مرزی ءَ کنت نہ کہ راستی ءِ گوما اوشیت انچش مئے واجھیں سنگت مجاہد بلوچ(کہ وت ءَرا زور پی ایچ ڈی ڈاکٹرے پدر کنت) لہتیں چیر اندریں ٹولی ءِ دست کارمز بوہگ انت، انوں آہانی نام ءِ دیم ءَ آرگ زرورت نہ انت اگاں زرورت بوت آہانی نام الم ءَ پاشک کنگ بنت کہ آ مجاہد ساھب ءِ ڈولیں مردمے ءَ چون ءُ پرچہ وتی مکسد ءِ ھاترا رد کارمرز کنگ ءَ انت۔ مجاہد صاھبءَ چندیں روچ بیت انت یونیورسٹی آف تربت ءِ ھلاپ ءَ بے بُن ایں بہتام سازی ءُایراد گیری کنگءَ انت۔ آئی ءِ دل ءَ آ تہنا بلوچی ءِ شھزانت ءُ محکم تریں مردم اِنت آدگہ درستاں پس ءُ میش چاریتگ ءُ شپانکی کرتگ۔ پد ءَ اے پد منتگین چاگرد ابید پٹ ءُ پول ءَ بر گشتگیں گپ ءِ سر ءَ ستک ءُ یقین کنت ۔ بلے اے چاگرد انچو اوں سما ءُ سنچ نیست کہ واجہ ءِ گوہر کماتگیں گال وتی جوھراں(ثبوت ءُ دلیل) پیلو کنگ ءَ نہ انت کس ءَ اے سما نہ بوت کہ واجہ ءِ گپانی تہ ءَ ساپ ءُ پلگاری نیست ہر یک جملھے ءَ گوں دومی ءَ ہمگرنچی نیست انت، پد ءَ چاگرد ءِ درستیں مھلوک ءَ واجہ ءَ پہ بزگ بوگ ءَ انت، اے گپ ءَ نوں عالم ءُ شھز زانت بہ گیشین اَنت کہ یونیورسٹی ءِ لیکچرار شپ پہ بزگی ءُ لُچی، جنگ ءُ کوکار ءَ رس ایت ؟یا پہ سنچ ءُ لائقی ؟اگاں یونیورسٹی لائقین استاد لوٹ ایت گڑا اود ءَ بزگی میرٹ چارگی انت۔
گپ ءَ دیم ءَ براں دومی نیمگ ءَ بلوچی ءِ زبان ءِ بازیں اسکالر ءُ زانتکاراں یونیورسٹی انٹریو داتگ ۔ نوں جست پاد کیت، آ دگہ درست نالائِک ءُ نابود بوت انت ایوک ءَ مجاہد بلوچ ءِ قد ءُ بالاد انچو مزن انت کہ آئی ءِ برزی ءَ کس سر بوت نہ کنت ؟ مجاہد ساھب ءَ چے مستریں زانتکار است، ہمے ٹولی ءَ آہانی گم پرچا پر نہ انت؟ ایشاں اے سما اوں گور نہ جنت کہ اے انٹریو ءَ اگاں کسے زورگ بوتگ اَنت آچونیں مردم اَنت؟ کئی مردم اَنت؟ چے ایشانی زانت ءُ پگر اچ مجاہد بلوچ ءَ کمتر اَنت؟ زاناں حق ایوک ءَ مجاہد بلوچ ءِ ئیگ اَنت کہ آئی ءَ یونیورسٹی ءَ وانتگ، ایندگہ مردم ءَ میش چارینگ، اگاں میش نہ چارینتنگ گڑا آ دگہ زورگ پرچا زورگ مہ بنت ؟ آہانی گناہ چی اِنت؟ زاناں ایم افل ایوکا مجاہد ساھب ءَ کرتگ ءُ اے دگراں نہ ونتگ ایف اے ، بی۔ اے، ءُ ایم اے والا بوتگ اَنت؟ آیا آ درست ایم افل والا نہ بوتگ انت؟ آیا یونیورسٹی ءِ وانینگ ءِ تجربہ تھنا مجاہد بلوچ ءِ گور ءَ است ایندگہ کسی کرا نہ بوتگ ؟ آیا گلاب مرزا ،فیرروزہ ءُ شہناز طارق ڈاکٹر عبدالصبور ءِ وتی کس ءُ مردم اَنت؟ اد ءَ من اے گپ ءَ اد ءَ تچک لوٹاں کہ من ء گلاب مرزا ،فیروزہ ءُ شہناز طارق ڈاکٹرعبدالصبور بلوچ ءِ ہچ سیاد ءُ وارس نہ اَنت۔ ما ہم بلوچ راج ءِ بچ ءُ جنک اَنت ما ہم ونتگ ءُ ایم فل کتگ ما ہم شپ روچ مھنت کتگ ءُ وتی چمانی ھُوردگ ریتکگ انت اگاں ما ہم ھکدار اَنت گڑا ڈاکٹر صبور نام ءُ دپ کنگ بوگ ءَ انت مجاہد ساھب ءِ گور ءَ اے چے سبوت ھست کہ ڈاکٹر زینت ثناء ءِ فینل ءِ نمبر ڈاکٹر صبور ساھب ءَ داتگ انت ؟اگاں ڈاکٹر صبور نمبر داتگ انت گڑا میڈم زینت ءَ پرچا وتی ڈیسنت نوٹ نبشتہ نہ کتگ؟ اگاں مجاہد ءِ گور ءَ اے گپانی نبشتھی سبوت است آ کورٹ ءُ عدالت ءَ بروت۔ اگاں نہ مپت ءِ ھدا ڈاکٹر صبور ءُ میڈم زینت ءَ نام ءُ دپ مہ کن ءُ چہ وتی نیمگ ءَ گپ مہ جن انت منی اےگپانی مکسد ڈاکٹر صبور ساحب ءِ ساڑا ءُ ستا نہ انت بلکیں ھما دروگانی پدر کنگ ءُ رد کنگ انت کہ مجاھد بلوچ ءَ بستگ انت مجاہد بلوچ ءِ بے بُنیں گپ پی ایچ ڈی اسکالرے سنچ ءُ بود ءَ نہ جن انت پرچاکہ اسکالر وتی گپانی منّینگ کنگ ءَ پٹ ءُ پول کنت ءُ گوں منطق ءُ دلیلاں گپ جنت بلے واجہ وتی سابت کنگ ءَ چوں بازاری مردمانی وڑ ءَ بازاری سوگند ءُ قسم وارت ءُ وتی نابودی ءَ پیش داریت۔
پہ درور 1۔اول سر ءَ آ عاصم زہیر ءِ مسال ءَ دنت کہ بے مانا اِنت پرچکہ عاصم زہیر ءِ ڈگریاں دو تھرڈ ڈویژن مان ءُ ایچ ای سی ءِ رھبندانی رد ءَ عاصم زہیر یونیورسٹی ءَ لیکچرار بوت نہ کنت اے درگت ءَ تھرڈ ڈویژن والا بلوچستان ھائی کورٹ ءَ شتگ انت ءُ کورٹ ءَ اوں آیانی کیس رجیکٹ کتگ اَت ایچ ای سی ءِ رھبند اوں شمئے ھاترا من جھل ءَ داتگ آں شر بچار ات ئِے تانکہ شمئے زہن ءِ تہ ءَ ہچ شک ءُ شُبہ ءِ گنجائش ودی مہ بیت دومی گپ ایش کہ عاصم زہیر ایوک ءَ تربت یونیورسٹی ءَ رجیکٹ نہ بوتگ بلکیں بلوچستان یورسٹی کہ چمود ءَ آئی ءَ شعبہ ءِ بلوچی ءَ ایم اے، ایم افل، ءُ پی ایچ ڈی کتگ ،اود ءَ ہم اسکرونٹنی کیمٹی ءَ ہم کہ ڈاکٹر رحیم مھر صاحب نندوک بوتگ واجہ عاصم زہیر ساھب ءِ نام پہ لیکچراری ءَ اے واستا short list نہ کہ ایچ ای سی ءِ پالسیانی ھلاپ انت دومی بلوچستان یونیورسٹی ءِ شعبہ بلوچی ءِ چیرمین واجہ رحیم مھر صاحب ءَ عاصم زہیر ءَ را تانکہ وزٹنگ نہ زورتگ ءُ آئی ءِ جاہ ءَ عزیز بلوچ ءِ زرتگ ھالانکہ پہ وزٹنگ ٹیچنگ ءَ تھرڈ ءِ پابندی نیست۔
2۔واجہ مجاہد ءِ دیم ءَ نبشتہ کنت “آ دگراں کہ بلوچی ءَ ونتگ دہ دہ سال ءَ کار ءَ انت ایم افل، پی ایچ ڈی کرتگ، عاصم زھیر ،سعید عاقل، سلیم، بانل ،عزیز مراد ءُ دگہ”راستی ءِ ایش انت کہ ایشانی تہ ءَ ایوک ءَ عاصم زہیر ءَ یلا کن کہ ہمے زوت ءَ پی ایچ ڈی سرجم بوتگ ایندگہ آ دگہ درست ایم افل اَنت تربت یونیورسٹی ءَ اوں ایم ۔اے ڈگری والا مردم Short list نہ کرتگ انت۔ اے زرتگیں درائیں ایم فل ڈگری اولڈر انت ایم فل تھنا اے برزیں داتگیں مردماں نہ کرتگ ءُ نہ کہ علم ءُ زانت تھنا ہمیشانی ونڈ ءَ کپتگ۔
علم ءُ زانت کسے ءِ پت ءِ میراث نہ اِنت کہ تو دگرانی نام ءَ چیر دیگ ءَ اَت ءُ گش ات کہ ما پی یچ ڈی کتگ نوں کجا برو اَنت ۔اے گچین ءَ ترا وت ءَ کنگی اَنت۔ اگاں تو زانتکارے گڑا زانتکار ءُ سرپدیں مردم ءِ راہ تچک ءُ پلگار انت آ زانت کہ من ءَ کجا روگی انت اگاں نہ تئی وڑ ءَ دومی مردم ءِ دست ءَ کارمز بیت ءُ مدامی گلگ کن اَنت بلے تاں کد تو اے گلگ ءُ زاری آں برجم دارے؟ روچے نہ روچے لازم مردم تئی ھال ءَ زان اَنت۔
3۔ “سالے ءَ پد پد ءَ جار جنئگ بوت کہ پد ءَ وتی کاگداں ھما مردم جمع کرت کن انت کہ آھاں ساری ءَ جمع نہ کرتگ انت۔”عزت مندیں اسکالر یونیورسٹی 15 رند ءَ جار جنت کنت۔ اے گپ ترا پیسرا جنگی بوتگ بوت کنت یونیورسٹی ءَ آکساس ءَ مردم نہ رس اتگ ءُ پد ءَ جارے جتگ دانکہ گیشتر مردم جمع بہ کنت کہ اچ آہانی تہ ءَ زانتکار ءُ سرپدی مردم ہوار بوت کن اَنت۔ واجہ تئی اے گپ ءَ اوں کردے نیست۔
4۔” واجھاں ھچ وڑیں سیلبس نہ دات، دومی وھدے کہ ٹیسٹ بوت 70%سبجیٹک ءُ 30% انگلش ، جنرل نالج، اینالاکئیکل ات انت” اے سیلبس بس پہ تئی ھاترا نہ بوتگ بلکیں سرجمیں بھر زوراکانی ھاترا بوتگ ۔اگاں ترا سیلبس ءِ سر ءَ ستک ءُ یکین نیست اَت گڑا واجہ تو ھما روچاناں جاک ءُ کوکار بُہ کرتکیں بلکیں تئی ھمبلاں اوں تئی ھمراھداری کرتگ اَت۔
5۔ترا ٹیسٹ ءِ جُستانی سر ءَ اوں یکین نہ اِنت اے جُست بس پہ تو اوں جوڑینگ نہ بوتگ اَنت تئی ھبر راستین انت کہ ھرکس مست توکلی ءِ ودی بوگ ءِ سن دگرے نویستگ چش کہ بچار اِت تا بازیں چیزیں پلگار نہ انت بلے مردم مدام پٹ ءُ پول کنت چار ایت کہ کجام پسو ءِ سر ءَ گیشتر زانتکار تپاک کن اَنت ایشی ءَ ابید ٹیست ءِ جُستاں گوں یونیورسٹی ءِ تہ ءَ مردماں ھچ سیادی نیست اے ٹیسٹ نہ یونیورسٹی ءَ گپتگ ۔ اے ٹیسٹ این ٹی ایس ءِ گپتگیں ٹیسٹ ئِے ءُ اے رنگیں جُست درائیں ٹیسٹانی تہ ءَ مان بیت انچوش بلوچستان ءِ یونیورسٹی ءِ ٹیسٹ ءِ تہ ءَ مان بوتگ پد ءَ تو واجہ اے رنگیں جُستاں چے مان گیشتگ اِت گڑا چیا پی ایچ ڈی کرتگ؟ تو وت پٹ ءُ پول بُہ کرتیں۔
6۔اسکالر ساھب ! تو کہ تھرڈ ڈویژن ءِ گپ جنگ اِت بلے ترا اے سما نیست کہ تھر ڈویژن ایچ ای سی ءِ پیسلہ بوتگ بلے انگت ءَ لھتیں مردماں کورٹ ءَ کیس کرتگ ءُ کورٹ ایشانی زورگ ءَ ھچ وڑ ءَ تیار نہ اَت یونیورسٹی واکی تھرڈ ڈویژن والا مردم ءَ لیٹر داتگ بلے آ وھد ءَ کورٹ ءَ وتی پیسلہ نہ داتگ اَت انٹرویو 10 تاریخ ءَ بندات بوگی بوتگ اَنت ءُ کورٹ ءَ وتی پیسلہ 8 تاریخ ءَ داتگ پد ءَ 9 تاریخ ءَ یونیورسٹی ءَ کال کرتگ ءُ مردم ءَ گشتگ انت کہ شما میا اَت پرچہ کہ کورٹ ءِ آرڈر انت ۔نوں اد ءَ یونیورسٹی ءِ میار چی اَنت؟ پیسلہ وَ کورٹ ءَ داتگ ھمود ءَ کہ تئی وار گٹ ایت تو یونیورسٹی آف تربت، ایچ ای سی، کورٹ آرڈر تو کسے ءِ گپ ءِ منگ ءَ رازی کہ نہ ات، ءُ تئی بے سمائیں چاگردے پرچا چو بے سمائی ءِ آماچ اِنت؟ بژن ءِ گپ انت۔
7۔ “اگاں ریسرچ آفیسر ءِ ٹیسٹ ءِ من گپ ءَ بہ جناں ءَ اکل ھیراں بیت پرچکہ آ چیز مارا واجھیں استاداں ونتگ انت آھانی تہ ءَ یک جستے ھم مان نہ بوتگ 100%در سد انگریزی بوتگ، پد ءَ انٹرنشنل ریسریچ ءِ درگت ءَ بوتگ-
اول گپ ایش انت کہ سد جست ریسرچ ءِ نہ بوتگ انت ۔پیپر ھپتاد درسد ریسرچ بوتگ انت، 10 انگلش، 10 جنرل نولج ءُ 10 انلاٹیکل بوتگ اَنت منی سر پر نہ بیت کہ تو پرچا سدے سدئین جُست ریسرچ ءِ نام ءَ کرتگ انت؟ یا واجہ تو انگلش نہ زانتگ، تئی دل ءَ درستیں ریسرچ ءِ جست بوتگ انت پد ءَ گپ ایش انت کہ تو واجہ ریسرچ ءِ پوسٹ ءِ ھاترا تو جمع کرتگ گڑا ٹیسٹ ءَ بلوچی ءِ جست چوں کیت؟ اے ھمے یونیورسٹی ءِ مردمانی مھربانی بوتگ کہ بلوچی ءِ وانندھانی ھاترا ریسرچ ءِ پوسٹ جوڑ کرت دانکہ بلوچی ءِ وانندہ روزگار بہ بنت۔
اگاں نہ چوں آ دگہ یونیورسٹیانی ڈول ءَ ریسرچ ءِ پوسٹ دگہ فیلڈ ءِ مردماں برت اَنت دگہ گپے ایش انت کہ بلوچی ریسرچ ءِ سرا انگت کار نہ بوتگ ءُ ریسرچ ءِ ٹرم انگت بلوچی ءَ نہ بوتگ انت گڑا چوں تئی ھاترا ٹیسٹ بلوچی ءَ بیت ؟ پد ءَ اد ءَ یک رندے پد ءَ ترا من گشاں کہ ٹیسٹ ءِ اتکگیں جستاں ڈیپارٹمنٹ ءَ ھچ سیادی نیست تو بس وتی نزرویانی چیر دیگ ءِ ھاترا دگراں ڈوبار ایت ءُ دگرانی دست ءَ کارمرز بوگ ءَ ات بلے دگر ءِ گیان آں کپے ءَ پد ءَ تئی وتی پد گار بنت اسکالرساھب، اے وڑیں پاسی ءُ پیلی بیت بلے بنی آدمے ءَ دوراندیشی پیش دارگی انت۔
8۔ مجاھد ساھب تو نبشتہ کتگ کہ انٹرویو میرٹ اد ءَ بوتگ اولی سلیم ھمراز ءُ دومی منی نام اتکگ بلے تئی نمبر 65 انت ترا چے پیسر 6 مردم کہ آیاں اچ ترا گیشتر نمبر ءِ گپتگ اگاں لسٹ ءَ دیم ءَ بیارے گڑا اے وڑا بیت1۔ محمد سیلم 75 نمبر بلے بی ۔اے تھرڈ ڈویژن انت بلے پوسٹ ءِ ھاترا سیکنڈ ڈویژن ءِ ڈگری یے جوڑ کرتگ۔ اے ڈگری جھل ءَ دیگ بنت 2۔ عبداللہ دشتی 70 تھرڈ ڈویژن 3۔بانل 68 نمبر
4۔ گلاب مرزا 67 نمبر ءُ سے سال یونیورسٹی آف تربت ءَ وانینگ ءِ تجربہ 5۔فیروزہ 67 نمبر ءُ7: سال یونیورسٹی آف تربت ءَ وانینگ ءِ تجربہ 6: زیبدہ درمحمد 66 نمبر 7: وارث 65 نمبر، 8:مجاہد بلوچ 65 نمبر
9: بالاچ حمید 64 نمبر 10: عزیز مراد 64، 11:اسلم تگرانی 63، 12: سعید عاقل 62، 13 ناصر خان 59 ،7سال کہ یونیورسٹی ءَ وانینگءِ تجربہ 14: شہناز طارق 53 سالے یونیورسٹی وانینگ ءِ تجربہ اے بُرز ءِ داتگیں لسٹ ءَ بچار اگاں اے لسٹ رد انت گڑا بگش ، اگاں ٹیسٹ ءِ نمبرانی ھساب ءَ مردم زورگ بہ بنت گڑا تو کجام پوسٹ ءَ کرز ات؟تو بس وتی نامینگ ءَ وت ءَ سیمی مردم کرتگ بلے اسکالر صاھب ترا انگت ءَ اے ھیال گور نہ انت کہ تئی نام کجام نمبر ءِ سر ءَ اِنت۔ تو وت ءَ سیمی کن اِت گڑا برز ءِ اے داتگیں نام ؟ اےبرز ءِ نام پرچا نہ گپتگ اَنت؟ ھمے ھاترا کہ راج ءِ دیم ءَ تئی نام پاشک بیت انت؟ 8: من پی ایچ ڈی کنگ ءَ انت ءُ من پی ایچ ڈی سرجم انت داں مارچ ءَ تھسسز جمع بیت پہ ھک ءِ ھدا بچار ایت کہ تئی داتگیں رِدانی(جملہانی) تہ ءَ انگت ءَ تزاد است انت۔ تو اولی رد (جملہ)ءِ تہ ءَ تئی پی ایچ ڈی بوگ ءَ انت دومی رد ءِ تہ ءَ تو نبشتہ کُتگ تئی پی ایچ ڈی سرجم انت سیمی رد ءِ تہ ءَ تو نبشتہ کُتگ تئی پی ایچ ڈی ءِ تھسسز مارچ ءَ جمع بیت اے برز ءِ داتگیں ردانی (جملہانی ) تہ ءَ چی پیش دارگ لوٹ ئے، باقی اے پیسلہ وانوک بکن انت کہ تئی چیچو تچک انت۔ من اوں انسان دورگ بست کناں، بلے وانوکے ءِ کرا دوئیں نبشتانک موجود انت چار ءُ چکاس بکن انت دومی گپ پی ایچ ڈی ءِ تھیسز انگت ءَ جمع نہ بوتگ ۔تو پی ایچ ڈی نہ انت بہ گندے تئی تھیسز رجیکٹ بہ بیت ءُ بہ گندے ترا دگہ 2 یا 3 سال اے پراسس ءَ بہ لگ ایت تئی پی ایچ ڈی انو قبل از وقت انت وھد ءَ ساری وت ءَ را پی ایچ ڈی ڈاکٹرے مہ لیک۔
10۔ “من ھپت کتاب رد ءُ بند داتگ، منی پنچ کتاب پہ چھاپ ءَ جریدگ انت، 5 سال وزٹینگ ٹیچر ءِ جھت ءَ وانینگ ءَ انت”
ایچ ای سی پالسی رد ءَ ھپت یا ھپتاد کتاب رد ءُ بند یونیورسٹی ءِ لیکچرار شپ ریکوائرمنٹ نہ انت چوشیں کتاب ءَ ایچ ای سی پالسی ءِ رد ءَ ھچ ارزشت نیست، تو پی ایچ ڈی ءِ نودروبرے گپ تئی بارازی مردم ءِ ڈول ءَ انت، مجاھد ساھب کسانیں تکلیپے بکن ایچ ای سی پالسی بوان دانکہ تئی بلوچستان یونیورسٹی ءِ پجار اوں ہمے رنگ ءَ مہ بیت یا انوں تو زہنی ھوالہ تکلیپ ءَ چہ در کائیت کہ تو پرچہ زورگ نہ بوتگ ات۔ تو ئِے مجاہد ساھب وتی ھپت کتاب ءِ بدل ءَ ھپت وتی ریسرچ پیپرزانی گپ بہ جتیں جوان تر بوتگ اَنت مجاھد ساھب تو چائے ھپتاد کتاب رد ءُ بند بہ دے بلے ایچ ای سی ءُ یونیورسٹی ءِ رد ءُ بندی کتابانی امیت مہ نند کہ ترا لکچرار ءِ قابل بہ ایں تو ریسرچ نہ کرتگ ءُ رد ءُ بند ءِ واستا تو پی ایچ ڈی کنگ ءَ ات گڑا ساھب گڑا تئی بندیک ءِ سر گار انت رد ءُ بند دیگ ءَ ھر کس ءَ ایم اے کتگ کرت کنت، ایشی ءِ متلب اے نہ بیت ھرکس بلوچی ءِ زبان ءِ بلائیں کواسکار ءُ یونیورسٹی ءَ لیکچرار بہ بیت۔
چو زبانی بولی مردم 5 نہ 50 کتاب ءِ جریدگی نام دات کن انت مجاھد ساھب تو اگاں 5 سال انت وانینگ ءَ انت گڑا آ دگراں زاناں میش ءُ بزگل چارینتگ یا کہ آیاں کباڑی ءَ کار کرتگ؟ تو پی ایچ ڈی کنگ ءَ ات، بلے تئی گپ اجب انت۔ تئی اے گپانی تہ ءَ ہمینچو تزاد ھست کہ آ دانشمندی اندیم بوگ ءَ انت۔
11:واجہ سینڈکیٹ ءِ بابت ءَ گشگ ءَ ات کہ “وتی دلدوستیں مردماں اپروئلکنئیتگ انت ۔” مجاھد صاھب ترا اے سرپدی ھست کہ سنڈکیٹ باڈی چی چیزے؟ ءُ کجام مردم سینڈکیٹ ءِ باسک کے بوت کنت؟ تئی درائیں وانوک اوں نزان آں سینڈکیٹ باڑی زمہ واری چی انت؟ یونیورسٹی اپروئل ءَ رند سنیڈکیٹ باڑی رو انت، نو توئِے مجاہد بہ گْوش سنیڈکیٹ چون دلدوستیں مردم ءَ زوریت سنیڈکیٹ ءِ وتی آزاد ءُ خود مختاریں ممبر انت کہ آہانی سیادی گون یونیورسٹی ءَ ہچ نیست انت 12: دگہ دروگیں میڈم زینت ثناء پشت ءَ بستگ کہ درستاں چے گیش نمبر میڈم ءَ مجاھد ءَ داتگ ءُ پد ءَ ترا اے کے ءَ ھال داتگ کہ ” من ءَ وتی ماس ءُ پس ءِ کسم انت کہ تئی انٹرویو سک باز شر بوگ من کلاں گیش نمبر ترا داتگ ” یک ایش انت کہ پی یچ ڈی اولڈر سوگند نہ وارت، دلیل ءُ ریفرنس دنت ءُ وتی گپ آں سابت کنت۔ تو اے گپانی پہ قسم ورگ ءَ سابت کنگ ءَ ات بلے برو ھمے گپ ءِ ریفرنس ءُ سبوت آں بیار مھلوک ءِ اد ءَ کاہ نہ وارتگ کہ تو ھر ردیں بیانی بکنے ساھب ءِ علم ءِ مرسم تئی گپانی سر ءَ بیسہ بکنت برو نبشتھی سورت ءَ میڈم گپ ءَ بیار اے بلوچ راج تنیگا چوں جاھل نہ انت کہ سوگند ءِ ورگ ءَ تئی رند ءَ کپ ایت۔ اگاں سوگند ءَ تئی سر ءَ اعتبار کن اَنت گڑ ا آ مردم جٹ ءُ جاھل انت اے گپ ءَ سابت بکن کہ واقعی میڈم ءَ اے وڑ ءَ گشتگ۔ ءُ واقعی فینل ءِ نشتگیں درائیں مردماں ترا نمبر داتگ۔ یک سرپدیں مردمے ءِ زانت کہ زینت ثناء اے ڈول وتءَ را چو دور نہ دنت کہ گوں ھرکس ءَ یونیورسٹی ءِ چیر ءُ اندریں گپاں آں بہ بکنت۔
اگاں گوں تو گپ ئے جتگ گڑا بزاں تئی،ڈاکٹر رحیم مھر ءُ آئی ءِ معاہدہ بوتگ ۔پمشکا شمارا نمبر داتگ ءُ شمئے ھاترا جھدے کرتگ بلے فینل ءِ باقی 15 مردم منگ ءَ اتگ انچوش انت نا؟دومی تھنا زینت ثناء داتگیں نمبر اوں درد نہ ور انت ۔فینل ءِ تہ ءَ کل 15 ممبر بوتگ انت گڑا آدگراں چنچو نمبر داتگ؟ 13: ” گڈی ءَ واجہ ڈاکٹر پروفیسر عبدالصبور بلوچ صاحب گوں من دیم پہ دیم بوت ، وتی جست ءِ کرت انت ، من یک یک ءَ پسو دات انت ، یک جستے ءَ ابید کہ زبان شناسی ءِ بابت ءَ ات من نہ زانت (یک چیزے انٹریو ءِ تہ ءَ است کہ یکے چکاسگ انت ءُ دومی بند کنگ انت) من ھما وھد ءَ ابکہ بوتاں وھدے واجہ ءَ من جست کرت کہ سور آزمانک ءِ گڈی ڈائیلگ ءَ بگشش ، بلے کدرت ءِ ھدا من ایشر ھم زانت ” اے رنگیں جست ھچبر پروفیسر ڈاکٹر عبدالصبور بلوچ نہ کنت من واجہ ءِ دیم ءَ باز رند ءَ انٹریو ءَ شتگوں بلے ڈاکٹر صاحب ءَ کدی اے رنگیں جست نہ کرتگ۔ الانکہ آ وھدی من ءَ پجا اش نہ آورتگ ڈاکٹر صاحب مردم ءَ ڈسکشن پرمائیت اے رنگ ءَ ترا چوں کنت؟ آئی چے زاتی دشمنی گون تو است،دومی بائید ھما آزمانک ءِ گڈی ڈآئیلگ دیم ءَ بیارتیں دانکہ ما بچارتیں کہ تو آزمانک ءِ گڈی رد (جملہ ) ءِ گپ ءَ ات یا کہ گڈی ڈائیلگ ءِ۔ گڑا دائیلگ ءُ گڈی رد(جملہ) ءُ ڈائلگ کس ءَ یات نہ بنت۔ بلوچی ءِ یک آزمانکے نہ انت کہ تئی ڈولیں اسکالراں یاد بیت ۔اے رنگیں زانتکارے وت ءَ پیش مہ دار کہ قوم ءِ ستک تئی سر ءَ ہلاس بہ بیت۔ مجاھد بلوچ تو انگت ءَ بلوچ ءُ بلوچی ءِ تہ ءَ افلاطون نہ ات، نہ کہ وت ءَ افلاطون پیش دارگ ءِ زرورت انت۔ واجہ کہ رحیم مھر ءِ نمبرانی گپاں جنت ءُ زینت ثناء ریفرنس ءَ دنت بلے واجہ ءِ گور ءَ سابت کنگ ءِ ھاترا پس سوگند ءِ وارگ ابید دگہ ھچ نیست ۔ زاناں وانگ ءُ زانگ بس شما زان اِنت دگہ درائیں مردم پس انت؟ چے ڈاکٹر غفور شاد ءُ ڈاکٹر طاہر حکیم بلوچ چہ ڈاکٹر رحیم مھر ءَ کم تر انت؟ ڈاکٹر غفور شاد ءِ ایم ۔ افل ءُ پی ایچ ڈی ءِ تھیسزاں پاکستان ءِ شرتریں ادارہ چے ایورڈ گپتگ۔ رحیم مھر ءِ کجام کتاب ءَ ایورڈ گپتگ؟ رحیم مھر ءِ ایم۔ افل ءِ تھیسز ءَ ابید دگہ درائیں کتاب رد ءُ بند داتگیں کتاب اَنت۔ اگاں رد ءُ بند داتگیں کتابانی گپ ارزشت داریت گڑا ڈاکٹر طاھر حکیم بلوچ ءَ بلوچی ءِ شرتریں رد ءُ بند دیوک گشگ بیت۔ پرچکا آئی ءَ بلوچی ءِ شرتریں پڑاں کتاب رد ءُ بند داتگ۔ گڑا نوں واجھیں اسکالر؟ اے درستیں گپانی تہ ءَ راستی درا نہ بوگ ءَ انت ۔تو اے گل مہ بو کہ تئی پشت ءَ 100 مردماں گپ جتگ ۔اے گپ جنوک ھما مردم بوتگ انت کہ ایم ۔فل تھسسز کرت نہ کرتگ ءُ یونیورسٹی آف تربت ءَ میاری کنگ ءَ انت یا اے درائیں بچک ءُ بازاری انت دومی تو برز ھیالی ءِ شکارانت تئی دل ءَ بلوچی ءِ افلاطون توئے جان بلے اے وڑ نہ انت تئی روزگار ءِ زمہ اوں یونیورسٹی ءَ نہ زرتگ کہ تو گلگ کنگ ءَ ات زانتکاریں ءُ سرپدی ایں مردم الم در کیت۔ اے راج مرچی ترا نہ زانت باند ءَ ترا زانت مجاھد بلوچ ءِ گپانی تہ ءَ ھچ راستی نیست مردوتی گپاں وت ءَ رَد(غلط) کنت اے درائیں بے سریں گلگ انت کہ وتی کمی ءَ چیر دیگ ءِ ھاترا دگراں میار بار کنگ ءَ انت زانتکار ءُ عاقلیں مردمانی گپ تچک بنت، آہانی گور ءَ دلیل ءُ سبوت بیت۔ یک پی ای ڈی اسکالر چو میست ءِ جاھلیں ملا ءِ وڑ ءَ سوگند نہ وارت، ریفرنس دنت۔
سلامت بات ئے وژنام بات ئے
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔