آل پارٹیز کیچ ءِ جارکش ءَ شنگ کتگیں درشان ءِ تہ ءَ ایف سی ءِ نیمگ ءَ چہ ناصرآباد پانزدہ روچ واستا دکان ءُ مارکیٹانی بند کنگ ءِ سر ءَ بژنی درشان کتگ ءُ گْوشتگ کہ پوج کار ءِ امن ءُ ایمن کنگ اِنت بلے بلوچستان ھاسکار کیچ ءَ ایف سی راج گوم جنگ ءُ شور شاریں جاوراں ودی کنت ءُ اے پیشدارگ لوٹ اِیت من اد ءِ واجھاں –
آیاں گْوشتگ کہ ایف سی جاوراں شر کنگ ءُ پر ایمن براتی ءَ ھوار ایں سیاسی پارٹیانی یکشلیں جُھد ءَ دارگ ءِ جُھد ءَ اِنت ، سیاسی پارٹیاں بازیں جُھدے ءَ پد جاورانی گھتر کنگ ءِ سوبمندیں جُھدے کتگ ءُ اے کرد ءِ آسر ءَ درزنانی سیاسی ءُ نزریاتی کمیٹڈ سنگتاں کربانی داتگ چریشی ءَ پد جاور شر بوگ ءِ بندات بوتگ بلے سما بیت سیاسی پارٹیانی جُھد ایر روگ ءَ نہ اَنت وت ماں وت براتی ءَ پہ کزنی ءَ ھراب کنگ ءَ اِنت-
جارکش ءَ گوشتگ کہ ضلع انتزامیہ مستری ڈپٹی کمشنر کر ءَ اِنت وھدے کہ کمشنر مکران ھم ضلع ءَ ساڑی اِنت بلے سما بیت کہ ایف سی وت ءَ انتزامیہ ءَ چہ پاک یک جتائیں تاکتے سرپد بیت ، آیاں گْوشتگ کہ ناصرآباد ءَ گوستگیں روچ ءَ ایف سی ءِ سر ءَ بمب اُرشے کنگ بوتگ ءُ اشی ءِ پُشدر ءَ پانزدہ روچانی واست ءَ ناصرآباد ءِ سرجم ءِ دکان ءُ مارکیٹانی بند کنگ گوشتگ اَنت، چی ءَ ایف سی اے پیشدارگ لوٹ اِیت کہ اد ءِ مردم جتائیں مھلوکی ءُ آ دگہ ڈیھاں جتا اَنت-
آیاں گْوشتگ کہ ڈیھ ءِ دگہ دمگاں ایف سی یا پوج ءِ ادارھانی سر ءَ اُرش ءَ پد اود ءِ دکان یا مارکیٹاں پانزدہ روچانی واست ءَ یا اشی ءَ چہ کم یا گیش مدت ءِ واست ءَ بند کنگ بنت ، اے پاکستان ءِ آئین ءُ کانود ءِ بھر اِنت کہ بلوچستان ءَ مردم اے ھد ایف سی ءِ چہ تُرس ءِ آماچ اَنت ھرچ وڑ بے توار بہ بنت وتی کار ءُ باری چست ءُ ایراں ھم دستکش بہ بنت ءُ لوگ ءَ بہ نند اَنت دانکہ مرگ وتی امباز ءَ بزور اِیت ئے-
آیاں گْوشتگ کہ ایف سی اے وڑیں کرد ءَ چہ آل پارٹیز ھترہ ءُ پھازگ زاھر کتگ کہ اے کرد ردیں اسر ودی کنگ ءِ ھمراھی وت جوڑ کتگین ایں اشی ءَ سرجمی ءَ ھلاس کنگ ءِ ھمراھی ءَ کمشنر مکران ءُ ڈپٹی کمشنر کیچ ءَ چہ لوٹ کتگ کہ آ ایف سی اے رویشگ سر ءَ گامگیج بزور اِیت اگاں ناں آل پارٹیز کیچ واست سرجمیں ضلع ءِ بند کنگ ءَ دگہ ھچ راہ پش نہ کپتگ-