شال ءَ میڈیکل نودربرانی زھرشانی نندانک ءَ بیست ءُ دو روچ سرجم

شال ءَ پریس کلب ءِ دیم ءَ بیست ءُ دو روچ انت کہ بلوچستان نوکیں میڈیکل کالجانی نودربراں زھرشانی نندانک جتگ بلے سرکار ءِ نیمگ ءَ ھچ وڑیں گامگیج زورگ نہ بوتگ -.

نودربرانی گوشگ انت کہ ھستیں وھدے سرکار ءُ بلوچستان ءِ ھاکم ءُ نمائندگ مئے جیڑہ ءَ سر ءَ سنجیدہ نہ انت بیست ءُ دو روچ انت شال ءِ سارتی ءَ ما زھرشانی بنجل جتگ ءُ نشتگیں ءُ شپ روچ اڈ ءُ جنجال سگگ انت بلے ھاکمانی گوشاں مور ءِ نہ وارت دراہ واب انت –

آھانی گوشگ ات کہ چیف منسٹر میر عبدالقدوس بزنجو ءَ سرکاری سوگند ورگ ءَ پد وتی تران ءِ تہ ءَ گوشیت کہ منی سرکار ءَ بلوچستان ءِ مھلوک دگ ءُ پریس کلبانی دیم ءَ زاھر نہ بنت بلے سرکار ءِ کتگیں گپ بس بٹاک انت – مار ءَ بیست ءُ دو روچ انت وتی ھکانی ءَ پی ایم سی ءِ گیر آئینی سر ءَ مشتگیں چکاسانی بگیری ءَ زھرشانی کنگ ءَ ایں بلے سرکار مئے جیڑوانی سر ءَ سنجیدگ نہ انت ءُ مار ءَ لاچار کنگ انت ما وتی زرمبشت ءِ تہ ءَ ترندی بیاریں –

نودربرانی گوشگ ات کہ ما درسیں دروازگ ٹک اِتگ انت بلوچستان ءِ گورنر ءَ دچار کپتگیں آئی ءَ مار ءَ باور کنائینتگ بلے دہ روچ گوستگ جیڑہ گیشگیوار نہ بوتگ انت – بیست ءُ ھشت دسمبر ءَ جان سلامتی ءِ سیکریٹری نورالحق ءُ جانسلامتی منسٹر ءَ گوں ھم دچار کپتگیں بلے جھندم جیڑھانی گیشگیواری ءَ آ مار ءَ رازی کنگ ءَ بوتگ –

نودربرانی گوشگ ات کہ مئے کیمتی وھد زوال کنگ بوھگ انے چیف منسٹر ءِ گور ءَ مئے جیڑہ اشکُنگ ءَ وھد نیست –