کلات: منگچر ءَ پاکستانی آرمی ءِ کینٹ ءِ سر ءَ اُرش ءِ زمہ واری یو بی اے ءَ منّ اِتگ

یونائیٹڈ بلوچ آرمی ءِ جارکش مرید بلوچ ءَ رسانکدراں شنگ کرتگیں وتی یک درشانے ءِ تہ ءَ گوشتگ کہ گوستگیں مگرب ءَ بلوچ سرمچاراں کلات ءِ دمگ منگچر ءَ پاکستانی آرمی ءِ بنجاھی کینٹ ءِ مین گیٹ ءَ جاڑیگیں سکیورٹی پورس ءِ سر ءَ ھینڈ گرنیڈ اُرش کرتگ-

جارکش ءِ رد ءَ بلوچ سرمچاراں ھینڈ گرنیڈ اُرش ءَ سکیورٹی پورس ءِ دو کارندہ ھما جاہ ءَ مرتگ اَنت ءُ یکے زدگ بیتگ اے اُرش ءِ زمہ واری ءَ یونائیٹڈ بلوچ آرمی من ایت-

مرید بلوچ ءَ گُشتگ کہ اے اُرش ءَ پد بلوچستان لیویز پورس ءَ مئے سرمچارانی بیست ادار ءَ داں رند ءَ بیتگ اَنت ءُ سرمچاراں جوانیں جنگی رپکاں لیویز پورس ءِ انگیر پروشتگ ءُ درایگ ءَ سوبمند بیتگ اَنت-

آئی ءَ گُشتگ کہ یونائیٹڈ بلوچ آرمی ءِ نیمگ ءَ لیویز پورس بازیں براں سرپد کنگ ءَ ابید ھم بلوچ سرمچارانی دیم ءَ مِک بیگ ءَ اَنت مئے گل یک رندے پد ءَ ترندی ءَ لیویز پورس ءَ سرپد کنت کہ آ دشمنیں ریاست پاکستانی آرمی ءِ رنگیں رویشاں گستا بہ بنت اگاں ناں ما کجام ھم وھد ءَ آیانی سر ءَ ترندی ءَ اُرش کرت کن ایں –

آئی ءَ گُشتگ کہ ھمے رنگیں اُرش بلوچستان ءِ آجوئی ءَ داں برجاہ دارگ بنت –