پاکستان ءُ بنگلہ دیش ءِ نیام ءَ چٹاگانگ ءَ اولی ٹیسٹ گوازی برجاہ، چہ گوازی ءَ پیسر زمین چنڈ ءَ مھلوک ءُ لئیبی تُرسینتگ اَنت۔
پاکستان ءُ بنگلہ دیش ءِ ٹیسٹ گوازی برجاہ، لئیب ءِ بندات ءَ بنگلہ دیش ءَ 49 رنز ءِ سر ءَ چار وکٹ ءِ تاوان رس اتگ۔ چہ اِشی ءَ پد گوں جوانی ءَ لئیب کنان ءَ مشفق الرحیم ءُ وکٹ کیپر لٹن داس ءَ جوانیں گوازی کُتگ ءُ دوسد رنز ءِ ھمراہ داری کُتگ ءُ وتی ٹیم چہ کپگ ءَ رکینتگ۔
اے ھمراہ داری ءَ ھواریں لٹن داس ءَ وتی اولی ٹیسٹ سد رنز سرجم کنگ ءَ سوبمند بیتگ اَنت ءُ دومی ھمراہ داری کنوکیں مشفق الرحیم دومی روچ ءِ گوازی ءَ وتی سد رنزانی سرجم کنگ ءِ جھد ءَ برجاہ کنگ۔
اولی روچ ءَ وھدے لئیب ھلاس بیتگ گُڑا بنگلہ دیش ءِ سرجمیں سکور چار وکٹانی تاوان ءَ 253 رنز بیتگ اَنت۔ لٹن داس 113 ءُ مشفق الرحیم ءِ رنز 82 ءِ انگت گوازی کنگ ءَ اَنت۔