ندر اِنت پہ راشدھسین ءُ زیا جان ءِ ماتءِ نام ءَ کہ آئیءِ تہءَ من مدام وتی مات دیست
شائر: شَے چراگ
دی بلوچستان پوسٹ
اے ارس کہ چو اولمب انت تئی چمانی تہ ءَ
انتزار اوں گوستگ نوں ماه ءُ سالانی تہ ءَ
انچیں باریگے اتکگ پد ءَ منی ڈیھ ءِ سرا
مئے مات بزگ اَنت چونیں نوبتانی تہ ءَ
اے هزابیں سھتاں کئے بئیت ءُ بہ مار اِیت
کہ بچانی دوری ءِ گم گوز اَنت هزابانی تہ ءَ
دُوا انت هاوند تئی وداراں بہ کنت آسر
وش ءُ آسودگیں روچ تئی بہ بنت مرادانی تہ ءَ