بی ایل ایف ءَ دو اُرشانی زمہ واری منّ اِتگ اَنت

بلیدہ ءُ دشت ءَ پاکستانی پوج ءِ سر ءَ بیتگیں اُرشانی زمہ واری بلوچستان لبریشن فرنٹ ءَ منّ اِتگ اَنت –

بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کرتگیں درشان ءِ تہ ءَ گُشتگ کہ یکشمبے ءِ روچ ءَ بیست ءُ دو اگست ءَ کیچ ءِ دمگ بلیدہ بٹ ءِ ھند ءَ چٹوک ڈن ءَ پاکستانی پوج ءِ چوکی اسنائپر ءِ گون ءَ اُرش کرتگ ءُ یک پوجی کارمندے کُشتگ –

ھمے وڑ ءَ کیچ ءِ دمگ دشت ءَ دگہ اُرشے ءِ زمہ واری ھم بلوچستان لبریشن فرنٹ ءَ منّ اِتگ –

جارکش ءِ گوشگ اِنت کی دو شمبے ءِ روچ ءَ سرمچاراں کیچ ءِ دمگ دشت ءَ نوکیں راہ ءَ پوجی چوکی اسنائپر ءِگون ءَ نشانگ کرتگ ءُ یک کارمندے کُشتگ –

جارکش ءَ گُشتگ کہ پاکستانی پوج ءِ سر ءَ اُرش بلوچستان ءِ آجوئی ءَ داں برجاہ بنت –