شَیر: ندر پہ شہید پدائی سربُلندجان ءَ
شائر: اصغر سکی
دی بلوچستان پوسٹ
سربُلنداں تئی پھر ءُ شاناں وتن
کوہ ءِ چلتن تئی مکُراناں وتن
وہدے پریات کن ہاک مئے سرمگیں
اسلم ءَ یات کن ہاک مئے سرمگیں
اوشتیت کولاں بلوچی زباناں وتن
گوادریں گُلزمین ھون ندراں پتو
سرمتابیں جگر جون ندراں پتو
تنگھیں بچ تئی جی ءُ جاناں وتن
جنتیں گُلزمین پتو شیداھاں من
تئی پروماں وتن تئی بلیداھاں من
شال ءُ بولاناں تئی زامُراناں وتن
اے اسد کُنگراں کایاں پروشاں ترا
بشّی ئیں جمبراں کایاں پروشاں ترا
تئی کہ اصغر سکی پاسپاناں وتن