تربت ءَ لیویز پورس ءَ بیڑ برتگ ءُ کوشاں دزمانجنی ءَ ھوار نشہ باپار دزگیر

سر بیتگیں ھالانی رد ءَ تربت ءَ ڈپٹی کمشنر کیچ حسین جان بلوچ ءِ گوشگ ءِ پد ءَ اسسٹنٹ کمشنر تربت عقیل کریم ءِ چیردستی ءَ لیویز پورس ءَ کلاتک ءَ بیڑ برتگ –

اود ءَ لیویز پورس ءَ کوشاں ھواریں جرمکار حمید ء مراد مھمد جھمنند شے کھن کلاتک ءُ نشہ باپار عبید ء سبزل جھمنند کلاتک دزگیر کرتگ اَنت –

لیویز پورس ءَ گُشتگ کہ گپتگیں جرمکارانی گیشیں پٹ ءُ پول بیگ ءَ اَنت –

رسانکدراں گوں گپ کنان ءَ اے سی تربت عقیل کریم ءَ گُشتگ شھر ءَ نشہ باپاریانی دزگیر کنگ ءُ دگہ جرمکارانی دزگیر کنگ ڈی سی کیچ ءِ ھکم ءِ سر ءَ بیگ ءَ اَنت –

آئی ءَ گُشتگ کہ اے درگت ءَ لیویز پورس پرمان کنگ بیتگ ءُ دمگ ءَ ھواریں مھلوک ءَ گوں دزبندی اِنت کہ وتی کش ءُ گوراں ھواریں سلکاریانی نشانی ءَ بہ کن اَنت دانکہ ما چرے سبب ءَ کمک زرت بہ کن ایں سلکاری ھلاس کنگ بہ بنت –

آئی ءَ گُشتگ کہ کلاتک ءَ لیویز پورس رسالدار میجر اسماعیل خالق ءِ سروکی ءَ کہ ھمے جرمکار گرگ بیتگ اَنت مزنیں سوبمندی یے –