وسیم تابش ءَ ھوار دراھیں بیگواھیں مردم انسانی ھمدردی ءِ بنیاد ءَ یل کنگ بہ بنت – بی ایس او پجار

بی ایس او پجار ءِ بنجاھی جارکش ءَ وتی شنگ کرتگیں درشان ءِ تہ ءَ گُشتگ کہ وندر ھنکین ءِ آرگنائزر وسیم تابش ءِ بیگواھی ءَ یک ماھے ءَ گیش گوزگ ءَ پد وتی شنگ کرتگیں درشانی ءَ گُشتگ کہ گوستگیں ماہ ءِ نُھ جون ءَ وسیم تابش بلوچ ھزدار ءَ دزگیر کنگ ءَ پد بیگواہ کنگ بیتگ کہ انگت ءَ بیگواہ اِنت –

آئی ءَ گُشتگ کہ یک ماھے ءِ گوزگ ءَ پد آئی ءِ بارو ءَ ھچ ھال ءُ اھوال نیست اِنت ءُ آئی ءِ کھول جتا جتائیں جیڑگانی آماچ اَنت ءُ آئی ءِ کھول ءِ اے گرانیں گم ھلاس کنگ بہ بنت ءُ وسیم تابش یلو کنگ بہ بیت اِنت –

جارکش ءَ گُشتگ کہ بلوچستان ءَ ھزارانی کچ ءَ مھلوک بیگواہ اَنت اگاں اے بیگواھیں مردماں کجام ھم جرم کرتگ گڑا آمیدگساں پیش کنگ بہ بنت ءُ دانکہ آ کانود ءِ رد ءَ سزا دیگ بہ بنت اے وڑ ءَ بیگواہ کنگ آیانی کھول گیش گمانی آماچ بنت –

جارکش ءَ وتی درشانی ءِ گُڈسر ءَ گُشتگ کہ بلوچستان ءَ ھزارانی کچ ءَ مردمانی بیگواھی انسانی ھلاسی ءِ ردوم ءَ زورگ ءَ اِنت ءُ سرکار تھنا وتی کانودانی چیر ءَ ساہ مہ کش ایت بلکیں زورانسری آوار جنیاں بہ داریت –