کلات ءَ موباھل ٹاور ءِ سر ءَ اُرش، اُرش ءِ زمہ واری یو بی اے ءَ من اِتگ

سربوتگیں ھالانی رِد ءَ گوستگیں شپ ءَ ناشناسیں سلاہ بندیں مردماں کلات ءَ موبائیل ٹاور ءِ سر ءَ اُرش کُتگ اُرش ءِ زمہ واری بلوچ سلاہ بندیں گل یو بی اے ءَ منّ اِتگ –

دمگی اھوالکارانی رِد ءَ کلات ءِ دمگ جوہان گزگ ءِ موبائیل ٹاور گوستگیں شپ ءَ ناشناسیں مردماں مانداشتگ ءُ شُتگ انت چریشی ءَ موبائیل ٹاور ءِ سرجمیں مشینری ستکگ ءُ تباہ بوتگ بوتگ انت –

دومی نیمگ ءَ بلوچ آجوئی لوٹوکیں سلاہ بندیں گل یونائیٹڈ بلوچ آرمی ءِ جارکش مرید بلوچ ءَ اشی تباہ کنگے زمّہ واری منّ اِتگ گوشتگ کہ مئے سرمچاراں گوستگیں شپ ءَ کلات ءِ دمگ جوھان گزگ ءَ موبائیل ٹاور تباہ کتگ ءُ آئی ءِ مشینری سوتکگ انت –

جارکش ءَ دیمتر ءَ گوشتگ کہ اے دابیں اُرش بلوچستان ءِ آجوئی ءَ تاں برجاہ مان انت –