یورو کپ ءُ کوپا امریکہ فٹبال گوازی ءِ سیمی پائینل گوازی کنگ بوتگ

یورو کپ سیمی پائینل ءِ اولی گوازی ءَ اٹلی ءَ پیلانٹی شوٹ ءَ باج برتگ ءُ کوپہ امریکہ سیمی پائینل ءَ برازیل ءَ باج بُرتگ ءُ وت ءَ پائینل ءَ سر کتگ –

یوئیفا یورو کپ فٹبال گوازی برجاہ انت دوشی شپ سیمی پائینل ءِ اولی گوازی اٹلی ءُ اسپین ءِ میان ءَ بوتگ –
دوشیگیں گوازی ءَ اٹلی ءُ اسپین یک یک گول ءَ دیمیگ بوتگ انت وھدیکہ پیلانٹی شوٹ ءَ اٹلی ءَ چار گول اسکور کُتگ باج برتگ وت ءَ پائینل سر کتگ –

یورو کپ ءِ سیمی پائینل ءِ دومی گوازی انگلینڈ ءُ ڈینمارک ءِ میان ءَ ویمبلے پٹ ءَ بوگ ءَ انت –

دومی نیمگ ءَ کوپا امریکہ ءِ سیمی پائینل ءِ اولی گوازی برازیل ءُ پیرو ءِ میان ءَ بوتگ – پیرو ءِ نیمگ ءَ چہ ھچ گول اسکور کنگ نبوتگ وھدیکہ برازیل ءِ لیبی لوکاس ءَ یک گول ءِ اسکور کتگ باج برتگ وت ءَ پائینل ءَ سر کتگ –

کوپا امریکہ ءِ سیمی پائینل ءِ دومی گوازی ارجنٹینا کولمبیا ءِ میان ءَ بوتگ – کولمبیا ءَ باج برتگ گوازی وتی نام ءَ کتگ – کوپا امریکہ دیمے گوازی پیرو ءُ کولمبیا ءِ میان ءَ بوگی اِنت –