بلوچی زبان ءِ مزن نامیں ندکار سید ھاشمی ءِ کتاب “سستگیں دستونک “فضل بلوچ ءَ انگریزی ءَ رجانک کتگ

سر بیتگیں ھالانی رد ءَ بلوچی زبان ءِ مزن نامیں ندکار ءُ زبان زانت سید زھور شاہ ھاشمی ءِ دستونکانی کتاب “سستگیں دستونک ” چہ بلوچی ءَ انگریزی ءَ ترینتگ –

اے کتاب چہ بلوچستان اکیڈمی ءِ نیمگ ءَ شنگ ءُ چاپ بیتگ، اے کتاب ءِ تہ ءَ سید ھاشمی ءَ دستونکانی تہ ءَ مارشت درانگاز اِتگ اَت اَنت ءُ سید ھاشمی ءِ بلوچی بلوچستان ءَ مزنیں ارزشتے ءِ نگاھاں چارگ بیت اِنت –

سید ھاشمی ءِ بارہ ءَ گوشگ بیت کہ سید ھاشمی ءَ وتی زند بلوچی زبان ءِ دیمروئی ءَ گوازینتگ ءُ آئی ءِ تنی وھدی بازیں کتاب جتا جتائیں تکاں چاپ ءُ شنگ بیتگ اَنت –

فضل بلوچ ءَ سید ھاشمی ءِ کتاب “سستگیں دستونک ” ءَ ابید منیر اھمد بادینی ءُ ناگمان بلوچ ءِ ناول ھم چہ بلوچی ءَ انگریزی ءَ کتگ اَنت –

بلوچ لبزانکارانی تکاں گوشگ بیت کہ بلوچی زبان ءُ دگہ ترینگ ءُ آئی ءِ سِت مندی گیش ارزشت دار اَنت –

سید ھاشمی ءِ کتاب سستگیں دستونک نوزدہ سد ءُ پنجاہ ءُ ھپت ءَ اولی چاپ بیتگ ءُ دومی چاپ نوزدہ سد ءُ پنچاہ ءُ ھشت ءَ بیتگ ءُ سیمی چاپ سال دوھزار ءُ پانزدہ ءَ بلوچی زبان ءَ چاپ بیتگ –